महिला दिनानिमित्तच्या मानवसेवाच्या पुरस्कारांचे वितरण

तिसगाव : जोडमोहज (ता.पाथर्डी) येथील मानव सेवा प्रतिष्ठानच्या वतीने जागतिक महिला दिनानिमित्त आरोग्य सेविका, अंगणवाडी सेविका, मदतनीस, महिला पोलीस कर्मचारी, बचत गट प्रतिनिधी, आशा सेविका, अशा विविध क्षेत्रात आदर्शवत कार्य करणाऱ्या महिलांना पुरस्काराने सन्मानित करण्यात आले.

शिवसेनेच्या महिला जिल्हा संघटक व कौडगावच्या सरपंच मंगल म्हस्के यांनी मानसेवाच्या कार्याचे कौतुक केले. दरवर्षी मानव सेवा प्रतिष्ठानचे संस्थापक अध्यक्ष प्रा. सुनील मतकर हा उपक्रम राबवितात. यावेळी विक्रम ससाणे, नगरसेविका जिजाबाई भापसे, आदर्श शिक्षिका संगीता भापसे, शिवसेनेच्या महिला तालुका संघटक सविता ससे, माजी सरपंच रोहिणी लवांडे, अनघा वाघमारे, शुभांगी बेंद्रे, सरपंच कमल सोलाट, मंदा वांढेकर, छाया उघडे, शोभा वांढेकर, योगिता पिसे, द्रोपदा मतकर, अंगणवाडी सेविका अलका मतकर, बाळासाहेब मतकर आदी उपस्थित होते. शुभम मतकर यांनी आभार मानले.

----

१३ मानवसेवा

जोडमोहज येथे महिला दिनानिमित्त मानवसेवा प्रतिष्ठानच्या वतीने महिलांचा सन्मान करण्यात आला.