डॉ. बाबासाहेब आंबेडकर यांना ठिकठिकाणी अभिवादन

जामखेड : भारतरत्न डॉ. बाबासाहेब आंबेडकर यांची १३० वी जयंती शहरासह तालुक्यात ठिकठिकाणी कोरोनाबाबतच्या नियमांचे पालन करत उत्साहात साजरी करण्यात आली. मिलिंदनगर येथे पोलीस निरीक्षक संभाजी गायकवाड यांच्या हस्ते डॉ. बाबासाहेब आंबेडकर यांच्या तैलचित्राला पुष्पहार अर्पण करून अभिवादन करण्यात आले. यावेळी भिमसैनिक सर्व समाजबांधव उपस्थित होते. सिद्धार्थनगर, सदाफुले वस्ती, बाजार समिती, शासकीय व निमशासकीय कार्यालयात डॉ. बाबासाहेब आंबेडकर यांना अभिवादन करण्यात आले. तसेच मिलिंदनगर येथील गौतमी आव्हाड व सहकाऱ्यांनी डॉ. बाबासाहेब आंबेडकर यांना अभिवादन करून ऑनलाइन भीमगीते सादर करून सर्वांची मने जिंकली.

--

१४ जामखेड आंबेडकर

जामखेडच्या मिलिंदनगर येथील डॉ. बाबासाहेब आंबेडकर यांच्या तैलचित्राला पोलीस निरीक्षक संभाजी गायकवाड यांच्या हस्ते पुष्पहार अर्पण करून अभिवादन करण्यात आले.