अकोले तालुक्यात आठ कोरोनाबाधीत रुग्ण आढळले

अकोले : तालुक्यात शुक्रवारी (१७ जुलै) दिवसभरात तालुक्यात एकूण आठ कोरोनाबाधित आढळून आले आहेत. शुक्रवारी रात्री उशिरा आलेल्या अहवालात पुन्हा अकोले शहरातील तीन व तालुक्यातील लहित येथील एक व्यक्ती असे चार करोनाबाधित आढळून आले आहेत .

दिवसभरात अकोले तालुक्यातील बहिरवाडी येथील एक व शहरातील कारखाना रोडवरील एका पक्षाच्या पदधिकाºयासह तीन असे चार जण पॉझिटिव्ह आले. 

अहमदनगरहून प्राप्त झालेल्या अहवालानुसार शहरातील कारखाना रोडवरील हासे कॉम्पलेक्समधील पूर्वीच्या बाधिताच्या कुटुंबातील एक ४४ वर्षीय महिला, २४ व २५ वर्षीय दोन असे तीन व तालुक्यातील लहित येथील २६ वर्षीय महिला असे चार जणांचे अहवाल पॉझिटिव्ह आले आहेत. अकोले तालुक्यातील एकूण रुग्णांची संख्या ५८ झाली आहे.