कोपरगाव नगरपरिषदेत अभियंता दिन साजरा

कोपरगाव : कोपरगाव नगरपरिषद कार्यालयात बुधवारी (दि. १५ ) भारतरत्न मोक्षगुंडम विश्वेश्वरय्या यांचा जन्मदिवस अभियंता दिन म्हणून साजरा करण्यात आला. यावेळी नगरपरिषदेतील सर्वच विभागातील अभियंत्यांचा नगराध्यक्ष विजय वहाडणे, मुख्याधिकारी शांताराम गोसावी यांच्याहस्ते शाल व श्रीफळ देऊन सत्कार करण्यात आला.

याप्रसंगी दीपक बडगुजर, भालचंद्र उंबरजे, नीतेश मिरीकर, ज्ञानेश्वर चाकणे, योगेश खैरे, पल्लवी सूर्यवंशी, रोहित सोनवणे, ऋतुजा पाटील, हर्षवर्धन सुराळकर, गणेश आहिरे या अभियंत्यांचा सन्मान करण्यात आला.

यावेळी उपस्थित अभियंत्यांनी आपले शिक्षण, आपल्या कार्याचा अनुभव, तसेच भविष्यकालीन नियोजन याबाबत परिचय करून दिला. याप्रसंगी चंद्रकांत साठे, रवींद्र वाल्हेकर, सुनील आरण उपस्थित होते. सूत्रसंचालन महारुद्र गालट यांनी केले, तर राजेंद्र गाढे यांनी आभार मानले.