पहिल्या चार फेऱ्यात निघोज, जवळा, सुप्याचा निकाल

पारनेर : तालुक्यातील निघोज, जवळा, सुपा, पोखरी, रांजणगाव मशीद, वडझिरे, टाकळी ढोकेश्वर या मोठ्या गावाचे निकाल पहिल्या चार फेऱ्यातच लागणार आहेत. दरम्यान, ७९ ग्रामपंचायतींसाठी २२ टेबलद्वारे १४ फेऱ्या होणार असल्याची माहिती तहसीलदार ज्योती देवरे यांनी दिली.

तालुक्यातील ७९ ग्रामपंचायतींची मतमोजणी सोमवारी सकाळी १० वाजता पारनेर तहसील कार्यालयात सुरू होणार आहे. यासाठी २२ टेबल लावण्यात आले असून, १४ फेऱ्या होणार आहेत. ३०० कर्मचारी यासाठी असून पहिल्याच फेरीत निघोज, जवळा, पोखरी, टाकळी ढोकेश्वर, सुपा, रांजणगाव मशीद, वडझिरे आदी ग्रामपंचायतींचा निकाल लागेल. एक ते पाच फेरीत निकाल जाहीर होतील. पाचव्या फेरीनंतर अळकुटीसह इतर गावांचे निकाल पुढे येतील. तहसील कार्यालयात मतमोजणीसाठी रविवारी तयारी पूर्ण करण्यात आली. त्याचे प्रशिक्षण तहसीलदार देवरे यांनी दिले.