अहमदनगरमध्ये वादळी वा-यासह पाऊस : वीज पडून दोघे ठार

जिल्ह्यासह शहरी भागात दुपारनंतर अचानक अवकाळी पावसाने हजेरी लावली. वीज पडून श्रीगोंदा तालुक्यात एक महिला तर कर्जत तालुक्यात एक मेंढपाळ ठार झाला.

अहमदनगर : जिल्ह्यासह शहरी भागात दुपारनंतर अचानक अवकाळी पावसाने हजेरी लावली. वीज पडून श्रीगोंदा तालुक्यात एक महिला तर कर्जत तालुक्यात एक मेंढपाळ ठार झाला.
दुपारनंतर जिल्ह्याच्या विविध भागात वादळी वा-यासह विजांच्या कडकडाटासह पावसाने अचानकपणे हजेरी लावली. श्रीगोंदा तालुक्यातील येळपणे येथे वीज पडून एका महिलेचा मृत्यू झाला. तर कर्जत तालुक्यातील राशीन परीसरातील चिलवडी, बारडगावसह अनेक गावांमध्ये जोरदार वा-यासह पाऊस झाला. करमनवाडी येथे मेंढपाळ संभाजी पाटोळे हे अंगावर वीज पडल्याने जागीच ठार झाले. तसेच नगर शहर, नगर तालुक्यातील अनेक गावांमध्ये वादळी वा-यासह पाऊस झाला. पाथर्डी, श्रीगोंदा तालुक्यातही पाऊस झाला.