कोणत्या तालुक्यात किती झाले मतदान? येथे पाहा...

अहमदनगर लोकसभा मतदारसंघात सरासरी 64.26 टक्के मतदान झाले.

अहमदनगर : अहमदनगर लोकसभा मतदारसंघात सरासरी 64.26 टक्के मतदान झाले. सर्वाधिक मतदान राहुरी मतदारसंघात झाले असून सर्वात कमी मतदान अहमदनगर शहर मतदारसंघात झाले आहे. काल सायंकाळी ६ वाजेपर्यत मतदान सुरळितपणे पार पडले. भाजपचे उमेदवार डॉ.सुजय विखे आणि राष्ट्रवादीचे उमेदवार आमदार संग्राम जगताप यांच्यासह 19 उमेदवारांचे भवितव्य मतदान यंत्रात बंदिस्त झाले आहे.
अहमदनगर लोकसभा मतदार संघासाठी 23 एप्रिल रोजी मतदान झाले. नवमतदारांचा उत्साह, ज्येष्ठ नागरिकांनी मतदानासाठी लावलेल्या रांगा, सखी मतदान केंद्राच्या संकल्पनेने मतदारांमधील उत्सुकता ही या निवडणुकीची वैशिष्ट्ये ठरली. मतदानाची अंतिम आकडेवारी आज हाती आली.
शेवगावमध्ये ६३.४० टक्के, राहुरी ६६.७७ टक्के, पारनेर ६६.१८ टक्के, अहमदनगर शहर ६०.२५ टक्के, श्रीगोंदा ६४.७५ तर कर्जत-जामखेडमध्ये ६४.१० टक्के मतदान झाले. २३ मे रोजी मतमोजणी होणार आहे.
 

मतदारसंघनिहाय मतदानाची आकडेवारी

मतदारसंघ	एकूण मतदान	झालेले मतदान	पुरूष	स्त्री	इतर	टक्केवारी
शेवगाव	३ लाख ३८ हजार ७८८	२ लाख १४ हजार ७८५	१ लाख १६ हजार ८२१	९७ हजार ९६३	१	६३.४०
राहुरी	२ लाख ८८ हजार १२७	१ लाख ९२ हजार ३८६	१ लाख ५ हजार ७२८	८६ हजार  ६५७	१	६६.७७
पारनेर	३ लाख १७ हजार ८	२ लाख ०९ हजार ७९९	१ लाख १३ हजार ४३१	९६ हजार ३६८	०	६६.१८
अहमदनगर शहर	२ लाख ८५ हजार ९१३	१ लाख ७२ हजार २७६	९३ हजार ९३७	७८ हजार ३३३	६	६०.२५
श्रीगोंदा	३ लाख ९ हजार ३२४	२ लाख ३०२	१ लाख ११ हजार ९१०	८८ हजार ३९२	०	६४.७५
कर्जत-जामखेड	३ लाख १५ हजार ८८	२ लाख १ हजार ९७३	१ लाख १० हजार ७४७	९१ हजार २२६	०	६४.१०
एकूण	१८ लाख ५४ हजार २४८	११ लाख ९१ हजार ५२१	६ लाख ५२ हजार ५७४	५ लाख ३८ हजार ९३९	८	६४.२६