‘अर्जुन चषक’ क्रिकेट स्पर्धेचे उद्घाटन

तळेगाव दिघे : संगमनेर तालुक्यातील तळेगाव दिघे स्ट्राईकर्स क्रिकेट क्लब आयोजित भव्य प्लास्टिक बॉल ‘अर्जुन चषक’ क्रिकेट स्पर्धेचे उद्घाटन छत्रपती प्रतिष्ठानचे संस्थापक अध्यक्ष व जिल्हा परिषद सदस्य महेंद्र गोडगे पाटील यांच्या हस्ते पार पडले. विजेत्यांना २१ हजार १११ रुपयांचे प्रथम, ११ हजार १११ रुपयांचे द्वितीय, ७ हजार ७७७ रुपयांचे तृतीय, तर ५ हजार ५५५ रुपयांचे चतुर्थ पारितोषिक ठेवण्यात आलेले आहे. अर्जुन चषक क्रिकेट स्पर्धेचे उद्घाटन जिल्हा परिषद सदस्य महेंद्र गोडगे पाटील यांच्या हस्ते करण्यात आले. याप्रसंगी सरपंच बाबासाहेब कांदळकर, इंजि. सुभाषराव सांगळे, सोसायटीचे अध्यक्ष तुकाराम दिघे, अनिल कांदळकर, भाऊसाहेब दिघे, डॉ. नंदकुमार गोडगे, डॉ. संतोष डांगे, डॉ. राजेंद्र जोंधळे, डॉ. सुनील भागवत, बाळासाहेब दिघे अमोल दिघे, संतोष दिघे, सुनील दिघे, रावसाहेब दिघे, गणेश बोडखे, ज्ञानेश्वर पिंगळे, अनिस शेख, शाहरुख शेख, रवींद्र दिघे, संचित खालकर, गणेश लामखडे, गोकुळ जोर्वेकर, अक्षय दिघे उपस्थित होते.

-----------

चिखली घाटातील काम पूर्ण करा

अहमदनगर : नगर-दौंड रस्त्यावरील चिखली घाटातील काम पूर्ण करण्याची मागणी प्रवाशांनी केली आहे. घाटात मोठ-मोठे खड्डे पडल्याने अवजड वाहतूक करणाऱ्या वाहनचालकांना कसरत करावी लागत आहे. तसेच रस्त्यावरून उडणाऱ्या धुळीनेही परिसरातील हॉटेल व्यावसायिक हैराण झाले आहेत. त्यामुळे रस्त्याचे काम करणाऱ्या संबंधित ठेकेदाराने हे काम तत्काळ पूर्ण करावे, अशी मागणी होत आहे. प्रशासनाने तसे आदेश ठेकेदाराला द्यावेत, असे प्रवाशांचे म्हणणे आहे.