कोपरगाव काँग्रेस कमिटीची आढावा बैठक संपन्न

कोपरगाव : कोपरगाव तालुका काँग्रेस कमिटीचे निरीक्षक डॉ. एकनाथ गोंदकर, किसान काँग्रेसचे जिल्हाध्यक्ष विक्रम नवले यांच्या प्रमुख उपस्थितीत व युवक काँग्रेसचे जिल्हा उपाध्यक्ष तुषार पोटे, काँग्रेसचे तालुकाध्यक्ष नितीन शिंदे, शहराध्यक्ष सुनील साळुंके यांच्या मार्गदर्शनाखाली नुकतीच कोपरगाव येथे आढावा बैठक पार पडली.

बैठकीत आगामी स्थानिक स्वराज्य निवडणुका काँग्रेस पक्षाची भूमिका, उमेदवार चाचपणी, पक्ष बळकटीकरण, पदाधिकारी निवड, कोपरगाव काँग्रेस मेळावा इत्यादी विषय बैठकीत यशस्वी पार पडले. तुषार पोटे यांनी प्रास्ताविक करत भूमिका मांडली. नितीन शिंदे यांनी तालुक्यातील काँग्रेस पक्षाची वाटचाल स्पष्ट केली. यावेळी किसान काँग्रेसचे जिल्हाध्यक्ष विक्रम नवले यांच्या मार्गदर्शनाखाली कोपरगाव तालुका किसान काँग्रेसच्या तालुकाध्यक्षपदी विजय जाधव यांची एकमताने निवड करण्यात आली. निरीक्षक डॉ. एकनाथ गोंदकर यांनी पुढील पक्षाची रणनीती स्पष्ट केली व शिस्तप्रिय पद्धतीने एकजुटीने कोपरगाव काँग्रेसची वाटचाल असल्याचे सांगत समाधान व्यक्त केले. काँग्रेस अनुसूचित विभागाचे तालुकाध्यक्ष चंद्रकांत बागुल, काँग्रेस अनुसूचित विभागाचे शहराध्यक्ष रवींद्र साबळे, तालुका सचिव चंद्रहार जगताप, आकाश संजय नागरे, किसान काँग्रेसचे समन्वयक शिवाजी नेहे, गौरव सानप, प्रशांत अहिरे उपस्थित होते.