कारागृहातील आरोपींकडे सापडले मोबाईल

उपविभागीय पोलीस अधिकारी अजित पाटील यांनी २५ एप्रिल रोजी पारनेर पोलीस ठाण्याला भेट दिली. यावेळी दुय्यम कारागृहाची नियमित तपासणी करण्यासाठी तहसीलदार ज्योती देवरे व पारनेर पोलीस ठाण्याचे निरीक्षक घनश्याम बळप यांना अवगत करण्यात आले. त्यानंतर अधिकाऱ्यांनी कारागृहाची अचानक तपासणी केली. यावेळी न्यायालयीन कोठडीत असलेला आरोपी सौरभ गणेश पोटघन व अविनाश नीलेश कर्डिले यांच्याकडे दोन मोबाईल मिळून आले. हे मोबाईल तुम्हाला कोणी दिले, अशी विचारणा अधिकाऱ्यांनी त्यांच्याकडे केली तेव्हा हे मोबाईल भत्ता देणारे सुभाष लोंढे व प्रवीण देशमुख (रा. दोघे सुपा) यांनी दिल्याचे या आरोपींनी सांगितले. याप्रकरणी पारनेर पोलीस ठाण्यात गुन्हा दाखल करण्यात आला असून, या प्रकरणी उपनिरीक्षक बालाजी पदमने हे पुढील तपास करत आहेत.