मोबाइल चोरणाऱ्या आरोपीस अटक

दुकान फोडून कपडे चोरले

अहमदनगर : संगमनेर तालुक्यातील साकुर येथे चोरट्यांनी दुकान फोडून चोरट्यांनी २६ हजार ४०० रुपयांचे कपडे चोरून नेले. ४ ते ५ फेब्रुवारी दरम्यान ही घटना घडली. या प्रकरणी घारगाव पोलीस ठाण्यात भागवत भाऊसाहेब डोमाळे यांनी दिलेल्या फिर्यादीवरून अज्ञात चोरट्याविरोधात गुन्हा दाखल करण्यात आला आहे.

पैसे, दागिने चोरले

अहमदनगर: संगमनेर तालुक्यातील पिंपळे येथे चोरट्यांनी घरफोडी करून ३० हजार रुपयांचे सोन्याचे दागिने व राेख ५० हजार रुपये असा मुद्देमाल चोरून नेला. ५ फेब्रुवारी रोजी ही घटना घडली. या प्रकरणी संगमनेर पोलीस ठाण्यात कारभारी रभा चकोर यांनी दिलेल्या फिर्यादीवरून अज्ञात चोरट्याविरोधात गुन्हा दाखल करण्यात आला आहे. या प्रकरणी पोलीस नाईक जाधव हे पुढील तपास करत आहेत.

घरफोडी करून दीड लाखांचे दागिने चोरले

अहमदनगर : श्रीगोंदा तालुक्यातील बनपिंप्री रस्त्यावरील हातवळ येेथे चोरट्यांनी घरफोडी करून १ लाख ६५ हजार रुपयांचे सोन्याचे दागिने चोरून नेले. ५ फेब्रुवारी रोजी ही घटना घडली. या प्रकरणी श्रीगोंदा पोलीस ठाण्यात विलास बलभीम कदम यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. या प्रकरणी सहायक पोलीस निरीक्षक विठ्ठल पाटील हे पुढील तपास करत आहेत.

घरातून दहा हजार चोरले

अहमदनगर: जामखेड तालुक्यातील पाडळी येथे घरातून चोरट्यांनी रोख दहा हजार रुपये चोरून नेले. ५ फेब्रुवारी रोजी दुपारी ही घटना घडली. या प्रकरणी जामखेड पोलीस ठाण्यात अर्जुन महादेव पवार यांनी दिलेल्या फिर्यादीवरून अज्ञात चोरट्याविरोधात गुन्हा दाखल करण्यात आला आहे. या प्रकरणी पोलीस नाईक भागवत हे पुढील तपास करत आहेत.