निघोजकरांचा भाळवणीच्या कोविड सेंटरला मदतीचा हात

निघोज : आमदार निलेश लंके यांनी भाळवणी (ता. पारनेर) येथे सुरू केलेल्या कोविड केअर सेंटरला निघोज येथील ग्रामस्थांनी मदतीचा हात दिला आहे.

येथील कोविड सेंटरमध्ये जेवणासह इतर सुविधाही चांगल्या प्रकारे पुरविल्या जातात. येथे पारनेर तालुक्यासह जिल्ह्यातील इतर तालुक्यातूनही काेरोना रुग्ण उपचारासाठी येत आहेत. त्या सर्वांना मदत देण्याच्या हेतूने निघोज येथील ग्रामस्थांनी एकत्र येऊन कोविड सेंटरला मदत दिली. निघोज ग्रामीण पतसंस्था, मळगंगा ग्रामीण विकास ट्रस्ट प्रत्येकी २५ हजार रुपये, निघोज परिसर कृषी फलोद्यान संस्था १० हजार रुपये, निघोज ग्रामीण पतसंस्थेचे अध्यक्ष वसंतराव कवाद, निघोजचे माजी सरपंच ठकाराम लंके, ग्रामपंचायत सदस्य गणेश कवाद, दिगंबर लाळगे प्रत्येकी पाच हजार रुपये, मळगंगा ट्रस्टचे विश्वस्त विश्वासराव शेटे ५ हजार ३३३ रुपये, शंकर लामखडे, गणेश लामखडे, राजेंद्र लाळगे यांनी ५० कॅरेट कलिंगड दिले. निघोजकरांनी दाखविलेल्या सामाजिक बांधिलकीबद्दल आमदार लंके यांनी सर्वांचे कौतुक केले.

---

२३ निघोज