दुचाकीच्या धडकेत एक जखमी

कोपरगाव : समृद्धी महामार्गाच्या कामावरील चालक काम संपल्यानंतर आपल्या सहकाऱ्याबरोबर रस्त्याने पायी जात असताना मागून आलेल्या दुचाकी चालकाने (क्र. एमएच १५ डीझेड ६४१५) जोराची धडक दिली. यात एक जण गंभीर जखमी झाला. हा अपघात पुणतांबा फाटा ते झगडे फाटादरम्यान डाऊच परिसरात सोमवारी (दि.२२) रात्री ८ वाजेच्या सुमारास घडला.

या अपघातात रामपती श्यामलाल गोंड (वय ४१, रा. बम्हणगवा, कटनी राज्य, मध्य प्रदेश) यांच्या उजव्या पायाला गंभीर दुखापत झाली आहे. त्यांच्यावर कोपरगावातील खासगी रुग्णालयात उपचार सुरू आहेत. याप्रकरणी तिलकराज नथुप्रसाद यादव (वय ३४, रा. शांतीनगर, मानपूर, जि. उमरीया, राज्य मध्य प्रदेश) यांच्या फिर्यादीवरून पोलिसांनी अज्ञात दुचाकीस्वाराविरुद्ध गुन्हा दाखल केला आहे.