नेवासा तालुक्यात दोन अपघातात एक ठार, एक जखमी

नेवासा : नेवासा तालुक्यातील दोन वेगवेगळ्या ठिकाणी झालेल्या अपघातात एक ठार, एक जण गंभीर जखमी झाला. या घटना शनिवारी घडल्या.

नागापूर फाट्याजवळ शनिवारी दोनच्या सुमारास झालेल्या अपघातात एक कार उलटली. यामध्ये गणेश कंदनवाल (वय ४०) ही व्यक्ती ठार झाली, तर विक्रम सुरेश बोकणे यांच्या पायाला गंभीर दुखापत झाली. हे दोघे गेवराई (बीड) येथून शिर्डी येथे उपचार घेत असलेल्या रूग्णाला आणण्यासाठी जात होते.

दुसरा अपघात सौंदाळा येथे झाला. सौंदाळा गावाच्या नजीक उलटली. या अपघातात एक जण गंभीर जखमी झाला आहे. इतर किरकोळ जखमी आहेत. राजू यादव (वय ३०), गणेश खेत्रे (वय २०) आदी जखमींची नावे आहेत. हे सर्व गेवराई (बीड) येथून नेवासा फाट्याकडे येत होते.

भेंडा येथील सामाजिक कार्यकर्ते गणेश गव्हाणे यांनी अपघातग्रस्तांना त्यांच्या गाडीमध्ये नेऊन काही मिनिटातच नेवासा फाटा येथील खासगी रूग्णालयात दाखल केले.