ढवळगावच्या सरपंचपदी सारिका शिंदेंना संधी

ढवळगाव : श्रीगोंदा तालुक्यातील ढवळगाव ग्रामपंचायत निवडणूक बिनविरोध झाली होती. त्यानंतर येथील सरपंच, उपसरपंच निवडीही बिनविरोध झाल्या. सरपंचपदी सारिका रवींद्र शिंदे यांची तर उपसपरपंचपदी गणेश राजाराम ढवळे यांची बिनविरोध निवड झाली.

तालुक्यातील ५९ ग्रामपंचायतींच्या निवडणुकीत ढवळगाव एकमेव ग्रामपंचायत बिनविरोध झाली होती. त्यामुळे सरपंच व उपसरपंचाची निवडणूकही बिनविरोध झाली. एन. एन. पवार निवडणूक निर्णय अधिकारी होते. ग्रामसेवक एस. एस. महाडिक, तलाठी एम. बी. गायकवाड यांनी त्यांना सहाय्य केले. ग्रामपंचायत सदस्य गणेश पानमंद, अजित लोंढे, बबन शिंदे, प्रतीक्षा शिंदे, अनिता वाळुंज, मनीषा बोरगे, पूजा शिंदे उपस्थित होते.

यावेळी गौतम वाळुंज, मोहन ढवळे, बाबासाहेब शिंदे, रामचंद्र लोंढे, माणीक ढवळे, आर. टी. शिंदे, अभिजित ढवळे, अमोल बोरगे, शिवाजी लोंढे, बबन ढवळे, राहुल बोरगे, भाऊसाहेब शिंदे, कोंडीभाऊ ढवळे, ग्रामपंचायत कर्मचारी सुनील शिंदे, सोन्याबापू बोरगे आदी उपस्थित होते. प्रास्ताविक माजी सरपंच विजय शिंदे यांनी केले. माजी उपसरपंच रवींद्र शिंदे यांनी आभार मानले.

फोटो : ११ ढवळगाव

ढवळगाव ग्रामपंचायतीच्या पदाधिकाऱ्यांसह सदस्यांचाही ग्रामस्थांनी सन्मान केला.