भाजपच्या वतीने आयोजित

श्रीरामपूर : येथील भाजपच्या वतीने पक्ष स्थापना दिन, महात्मा फुले जयंती व डॉ.बाबासाहेब आंबेडकर जयंतीनिमित्त आगाशे सभागृह येथे रक्तदान शिबिराचे आयोजन करण्यात आले होते. त्यास चांगला प्रतिसाद मिळाला. जनकल्याण रक्तपेढी यांचे त्यास सहकार्य लाभले. भाजपचे उत्तर नगर जिल्हाध्यक्ष राजेंद्र गोंदकर व उपाध्यक्ष अशोक पवार यांच्या प्रमुख उपस्थितीत शिबिर पार पडले.

कोरोनाच्या पार्श्वभूमीवर नियमाचे पालन करण्यात आले. युवकांकडून त्यास उत्स्फूर्त प्रतिसाद मिळाला.

जनकल्याण रक्तपेढीचे प्रमुख डॉ. विलास मढीकर व त्यांच्या सहकार्यांनी शिबिर यशस्वीतेसाठी परिश्रम घेतले.

याप्रसंगी भाजपचे शहराध्यक्ष मारुती बिंगले, जिल्हा उपाध्यक्ष गणेश राठी, सतीश सौदागर, जिल्हा सरचिटणीस सुनील वाणी, मुकुंद लबडे, भटक्या विमुक्त आघाडी जिल्हा संयोजक विठ्ठल राऊत, सांस्कृतिक सेल जिल्हा संयोजक बंडुकुमार शिंदे, युवा मोर्चा जिल्हा सरचिटणीस विशाल यादव, जिल्हा उपाध्यक्ष रुपेश हरकल, सचिव अक्षय नागरे, दत्ता जाधव, अजित बाबेल, चंद्रकांत परदेशी, योगेश ओझा उपस्थित होते.

---------