उसाचे पेमेंट द्या

टिळक भोस-

संभाजी ब्रिगेड जिल्हाध्यक्ष यांचा इशारा

-श्रीगोंदा तालुक्यातील

नागवडे/जगताप/साजन शुगर देवदैठण हे तिन्ही कारखाने चालू होऊन दोन महिने झाले. तिन्ही कारखाने पूर्ण क्षमतेने चालू असून, लाखो टन गाळप आजरोजी केले आहे. नियमानुसार ऊस तोडणीननंतर पंधरा दिवसांत उसाचे एफआरपी देणे कायद्याने बंधनकारक आहे, तरीही श्रीगोंदा तालुक्यातील व नगर जिल्ह्यातील सर्वच साखर कारखान्यांनी अजूनही उसाचे पेमेंट दिलेले नाही.

नगर जिल्ह्यातील सर्वच सहकारी/खासगी कारखान्यांकडे करोडो रुपये

थकले आहेत. जगताप (कुकडी) कारखाना व साईकृपा हिरडगाव यांची आरआरसीची कारवाई करण्यात आली होती. मात्र, त्यावर पुढे जप्तीची कारवाई करण्यात आली नाही.

यंदा चालू गळीत हंगामापूर्वी जुने देणे व व्याज देणे गरजेचे होते. मात्र, तेसुद्धा अजून दिले गेले नाही.

कुकडी सहकारी (जगताप) कारखान्याकडून

मागील हंगामाची ५०० रुपये प्रतिटन अशी अनेक शेतकऱ्यांची थकबाकी येणे आहे. शेतकरी मेटाकुटीला आले तरी माजी आमदार राहुल जगताप (चेअरमन) यांच्याकडून करोडो रुपये येणे आहे, तसेच माजी मंत्री बबनराव पाचपुते यांचे पुत्र व कुटुंबीय यांच्या मालकीच्या साईकृपा हिरडगाव कारखाना यांच्याकडून अजूनही शेतकऱ्यांचे व वाहतूकदारांचे थकीत पेमेंट येणे आहे. या वर्षीचा गळीत हंगाम सुरू होऊन दोन महिन्यांपेक्षा जास्त कालावधी झाला तरीही या चालू गळीत हंगामातील बाकी अजून मिळाली नाही. त्यामुळे ११ डिसेंबर रोजी प्रादेशिक साखर सहसंचालक अहमदनगर यांची भेट घेऊन निवेदन दिले आहे. मागील वर्षी टिळक भोस व त्यांचे सहकाऱ्यांनी माजी मंत्री बबनराव पाचपुते व आमदार राहुल जगताप यांच्या निवासस्थानासमोर ९० दिवस ठिय्या आंदोलन केले होते. तसेच अनेक दिवस थकीत पेमेंटसाठी सातत्याने पाठपुरावा देखील केला होता. तालुक्यातील प्रमुख नेते असलेल्या पाचपुते, जगताप, नागवडे कारखान्यांकडील थकीत पेमेंटमुळे तालुक्यातील शेतकरी मेटेकुटीला आला आहे, हे मात्र खरे. यंदा अतिरिक्त ऊस उत्पादनामुळे शेतकरी उघडपणे बोलत नसला तरी देखील कारखानदारांवर नाराज असल्याचे चित्र आहे. त्याचा परिणाम नागवडे-जगताप या साखर कारखान्याच्या आगामी निवडणुकीवर नक्की होऊ शकतो.