निरंकारी मंडळातर्फे नगरमध्ये वृक्षारोपण

अहमदनगर : निरंकारी बाबा हरदेव सिंहजी महाराज यांच्या ६७ व्या जन्मदिनी संत निरंकारी मिशनतर्फे २१ ते २३ फेब्रुवारी या कालावधीत देश-विदेशात वृक्षारोपण व वृक्षसंवर्धन अभियान राबविण्यात आले. यावेळी प्रत्येक निरंकारी परिवाराने जास्तीत जास्त रोपे लावून तीन वर्षांपर्यंत संगोपन व संरक्षण करण्याचा निर्धार व्यक्त करण्यात आला. नगर शहराच्या विविध भागातही मंडळातर्फे झाडे लावण्यात आली. या उपक्रमात विद्यार्थी सहभागी झाले होते.

निरंकारी परिवाराचे सद्गुरु माता सुदीक्षाजी महाराज यांच्या प्रेरणेने संत निरंकारी मंडळाच्या नगर शाखेने मिस्कीन रोड, गुलमोहोर रोड, सावेडी परिसरात वृक्षारोपण केले. निरंकारी सेवा दलचे क्षेत्रीय संचालक आनंद कृष्णानी यांच्या मार्गदर्शनाखाली वृक्षारोपण अभियान राबविण्यात आले. याप्रसंगी निरंकारी सेवादलच्या महिला व पुरुष सदस्य तसेच सत्संग सदस्य, अबालवृद्ध उत्साहात या अभियानात सहभागी झाले होते.यावेळी निरंकारी भवन परिसरात ज्येष्ठ नागरिक सिंगासनी देवी यांच्या हस्ते व गुलमोहोर रोड परिसरात ज्येष्ठ महिला निर्मलादेवी टकले यांच्या हस्ते वृक्षारोपण करण्यात आले. त्याचबरोबर जिल्ह्यातही निरंकारी भक्तांनी आपआपल्या भागात वृक्षारोपण केले. यासाठी संत निरंकारी चॅरिटेबल फौंडेशन व सेवा दलच्या सदस्यांनी परिश्रम घेतले.

--------

फोटो- २३ निरंकारी

निरंकारी बाबा हरदेव सिंहजी महाराज यांच्या ६७ व्या जन्मदिनी सावेडी येथील संत निरंकारी भवन परिसरात वृक्षारोपण करण्यात आले. याप्रसंगी आनंद कृष्णानी, अनिल टकले व सेवादलचे महिला व पुरुष सदस्य.