रयत सेवक संघाच्या जिल्हा सचिवपदी प्रशांत खामकर

कोळगाव : श्रीगोंदा तालुक्यातील घारगाव येथील प्रशांत खामकर यांची रयत सेवक संघाच्या नगर जिल्हा सचिवपदी निवड केली आहे. त्यांना निवडीचे पत्र प्रांतिक अध्यक्ष काकासाहेब देशमुख व प्रांतिक सहसचिव अंकुशराव जामदार यांनी दिले.

प्रशांत खामकर हे काष्टी येथील जनता कन्या विद्यालयात शिक्षक आहेत. एक विद्यार्थीप्रिय, उपक्रमशील शिक्षक म्हणून त्यांची ओळख आहे. त्याचबरोबर सावित्रीबाई फुले विद्यापीठ पुणेच्या बहि:शाल विभागामध्ये व्याख्याते म्हणूनही काम पाहत आहेत. त्यांच्या निवडीबद्दल २२ सप्टेंबर रोजी आमदार बबनराव पाचपुते, श्रीगोंदा कारखान्याचे संचालक अरुणराव पाचपुते, मॅनेजिंग कौन्सिल सदस्य बाबासाहेब भोस, भगवानराव पाचपुते, राकेश पाचपुते, स्थानिक स्कूल कमिटीच्या डॉ. प्रतिभा पाचपुते, माजी सभापती लता पाचपुते, निर्मला पाचपुते, लाईफ मेंबर बाजीराव कोरडे, सरपंच सुनील पाचपुते, चांगदेव पाचपुते, राजेंद्र नारायण पाचपुते, अनिल काळुराम माने, आशा खोसे, प्राचार्य अशोक राठोड, मुख्याध्यापिका विमल जगताप, पर्यवेक्षिका मंगल जोगदंड, पर्यवेक्षक रवींद्र पवार, क्रीडाशिक्षक निवृत्ती शेलार आदींनी स्वागत केले.

260921\img-20210924-wa0123.jpg

रयत सेवक संघाचे जिल्हा सचिव पदी प्रशांत खामकर यांची निवड झाल्याबद्दल त्यांचा सत्कार करताना आमदार बबनराव पाचपुते, अरुण पाचपुते, भगवानराव पाचपुते व इतर मान्यवर.