राधाकृष्ण विखे म्हणतात...सरकारमध्ये काँग्रेसचे अस्तित्वच दिसत नाही; त्यांनी भाजपची चिंता करु नये

राज्यातील आघाडी सरकारमध्ये सध्या काँग्रेस पक्षाचे अस्तित्व कुठेच दिसत नाही. त्यामुळे त्यांनी भाजपची चिंता करु नये, अशी टीका भाजपचे माजीमंत्री, आमदार राधाकृष्ण विखे यांनी केली.

लोणी : राज्यातील आघाडी सरकारमध्ये सध्या काँग्रेस पक्षाचे अस्तित्व कुठेच दिसत नाही. त्यामुळे त्यांनी भाजपची चिंता करु नये, अशी टीका भाजपचे माजीमंत्री, आमदार राधाकृष्ण विखे यांनी केली.
कोरोनाचा प्रादुर्भाव रोखण्यासाठी राज्य सरकारला पूर्णत: अपयश आले आहे. या पार्श्वभूमीवर लोणी बुद्रूूूक ग्रामपंचायत कार्यालयासमोर शुक्रवारी (दि.२२ मे) आ.विखे यांच्या नेतृत्वाखाली फिजीकल डिस्टसिंगचा नियम पाळून महाराष्ट्र बचाव आंदोलन करण्यात आले. यावेळी आमदार विखे बोलत होते.  
काँग्रेसचे प्रदेशाध्यक्ष बाळासाहेब थोरात यांनी  भाजपच्या आंदोलनावर टीका केली होती.  थोरात यांनी केलेल्या टिकेचा समाचार घेताना आ.विखे म्हणाले, काँग्रेसचे सरकारमध्ये अस्तित्वच आता कुठे दिसत नाही. त्यामुळे त्यांनी भाजपची चिंता करु नये. नगर जिल्ह्यात सरकारचे तीन मंत्री आहेत. असे असताना नगर जिल्ह्यातील जनतेला हे दिलासा देवू शकले नाहीत. शेतक-यांसह जिल्ह्यातील जनता त्यांनी वा-यावर सोडली, असा आरोपही विखे यांनी केला.