मेहकरीत दोन गटात राडा : चार जखमी

नगर तालुक्यातील मेहेकरी येथील महलदरा येथे शेतातील बांधावरून दोन गटात राडा झाला. यावेळी झालेल्या हाणामारीत महिलेसह चार जण जखमी झाले. शुक्रवारी सायंकाळी सात वाजेच्या सुमारास ही घटना घडली. या प्रकरणी परस्परविरोधी दाखल झालेल्या फिर्यादीत सात जणांवर गुन्हा दाखल करण्यात आला आहे.

अहमदनगर: नगर तालुक्यातील मेहेकरी येथील महलदरा येथे शेतातील बांधावरून दोन गटात राडा झाला. यावेळी झालेल्या हाणामारीत महिलेसह चार जण जखमी झाले. शुक्रवारी सायंकाळी सात वाजेच्या सुमारास ही घटना घडली. या प्रकरणी परस्परविरोधी दाखल झालेल्या फिर्यादीत सात जणांवर गुन्हा दाखल करण्यात आला आहे.
या प्रकरणी सतीश महादेव वणवे यांनी नगर तालुका पोलीस ठाण्यात फिर्याद दिली असून, पोलीसांनी राजेंद्र अर्जुन अव्हाड, बाळू अर्जून आव्हाड व अर्जुन रतन आव्हाड यांच्या विरोधात खुनाचा प्रयत्न केल्याचा गुन्हा दाखल केला आहे. शेतातील बांधवरील झाडे तोडल्याने सतीष वणवे याचा भाऊ सुभाष याच्यावर कुºहाडीने वार करून मारहाण केली. या घटनेत सतीष यांच्यासह सुभाष महादेव वनवे व युवराज सतीष वणवे हे जखमी झाले असल्याचे फिर्यादीत म्हटले आहे.
या घटनेप्रकरणी दुसरी फिर्याद शीतल राजेंद्र आव्हाड (वय २४) यांनी दाखल केली आहे. यामध्ये पोलीसांनी सतीष महादेव वनवे, सुभाष महादेव वनवे, उषा सतीष वनवे व जनाबाई सुभाष वनवे यांच्या विरोधात मारहाणीचा गुन्हा दाखल केला आहे. शेतीचा बांध का कोरला असे विचारणा करून चौघा जणांनी मारहाण करत जिवे मारण्याची धमकी दिल्याचे या फिर्यादीत म्हटले आहे. याप्रकरणी पुढील तपास पोलीस नाईक डी. बी. पालवे हे करत आहेत.