बोधेगावात शिवजयंती उत्साहात साजरी

बोधेगाव : शेवगाव तालुक्यातील बोधेगाव येथे ग्रामपंचायत कार्यालय, जिल्हा परिषद शाळा, श्री शिवाजी हायस्कूल, छत्रपती शिवाजी महाराज चौक, डाॅ. बाबासाहेब आंबेडकर चौक आदींसह विविध ठिकाणी शिवजयंती उत्साहात साजरी करण्यात आली.

येथील मारोती मंदिरानजीक छत्रपती शिवाजी महाराज चौकात चौथऱ्यावर छत्रपती शिवाजी महाराजांचा पुतळा ठेवून पुष्पहार व श्रीफळ अर्पण करत अभिवादन करण्यात आले. यावेळी सिद्धांत घोरतळे, महेश घोरतळे, कार्तिक झांबरे, अजय घोरतळे, नारायण घोरतळे, गणेश घोरतळे, प्रदीप झांबरे आदींनी परिश्रम घेतले. ग्रामपंचायत कार्यालयील कार्यक्रम प्रसंगी सरपंच सुभाष पवळे, उपसरपंच नितीन काकडे, ग्रामविकास अधिकारी राजाराम काटे, अरूण शिंदे आदींसह ग्रामपंचायत सदस्य व कर्मचारी उपस्थित होते. तसेच डाॅ. बाबासाहेब आंबेडकर चौकातही राष्ट्रीय युवा पँथरच्या वतीने शिवजयंती साजरी करण्यात आली. यावेळी प्रल्हादगिरी महाराज, माजी सभापती प्रकाश भोसले, रामजी अंधारे, के. टी. वाघमारे, पँथर प्रमुख बाळासाहेब भोंगळे, शाहुराव खंडागळे, सुरेश जाधव, कृष्णा महाराज कुऱ्हे, बाबा गिरी, नितीन पगारे, पवन मिसाळ, प्रदिप मिसाळ, सुरेश भोंगळे, विशाल मोरे आदींसह कार्यकर्ते उपस्थित होते.