महागायिका सन्मिता शिंदे यांची पोखरणा ज्वेलर्सला भेट

अहमदनगर : पुण्या-मुंबईसारख्या मोठ्या महानगरांसारखे असणारे भव्य सुवर्णदालन नगरमध्येही ए. एच. पोखरणा ज्वेलर्सने सुरू केले आहे. शुद्धता व सुंदरता याचा अनोखा संगम असलेले हे दालन नगरच्या सुवर्णविश्वाचे वैभव आहे, असे प्रतिपादन महाराष्ट्राच्या महागायिका सन्मिता धापटे-शिंदे यांनी केले.

‘सूर नवा ध्यास नवा-आशा उद्याची’ या रियॅॅलिटी शोच्या विजेत्या ठरलेल्या महागायिका सन्मिता शिंदे यांनी नुकतीच सर्जेपुरा येथील ए. एच. पोखरणा ज्वेलर्स दालनाला सदिच्छा भेट दिली. त्यांच्यासमवेत व्याख्याते गणेश शिंदे होते. पोखरणा ज्वेलर्सच्या वतीने अनिल पोखरणा, अमित पोखरणा, नयन पोखरणा यांनी शिंदे यांचे स्वागत व सत्कार केला. अमित पोखरणा म्हणाले की, नवीपेठेतील सुवर्णदालनानंतर ग्राहकांच्या सोयीसाठी सर्जेपुरात प्रशस्त असे दालन सुरू करताना देशभरातील दागिन्यांची व्हेरायटी या ठिकाणी मिळेल याची विशेष काळजी घेतली आहे. (वा.प्र.)