खास शिक्षकांसाठी ‘‘उमलती मुले-सुगंधित फुले’’

अहमदनगर : लोकमत सखी मंचच्या वतीने खास शिक्षक दिनाचे औचित्य साधून सखी मंच सदस्या व शिक्षकांसाठी ‘‘उमलती मुले-सुगंधित फुले’’ या कार्यक्रमाचे आयोजन करण्यात आले आहे.
शनिवार दि. ०६ सप्टेंबर २०१४ रोजी सायंकाळी ४ वाजता रावसाहेब पटवर्धन स्मारक समिती हॉल, समर्थ शाळेसमोर, प्रोफेसर कॉलनी चौक, सावेडी येथे हा कार्यक्रम होणार आहे. पुणे येथील समुपदेशक व गोल्ड मेडलिस्ट (पुणे विद्यापीठ) अंजली तापडीया या मार्गदर्शन करणार आहेत. हा कार्यक्रम सखी मंच सदस्या शहरातील सर्व शिक्षक-शिक्षिका यांच्यासाठी मोफत असणार आहे.
स्पर्धेच्या युगात मुलांना पुढे कसं आणावं, मुलांच्या सर्वांगीण विकासासाठी नेमकं काय करायला हवं? मुलांवर योग्य संस्कार व्हावेत म्हणून कोणता मार्ग निवडावा? या व अशा अनेक प्रश्नांची उत्तरे या कार्यक्रमाद्वारे मिळणार आहे. तसेच बाल मनोविज्ञान आणि पालक-बालक संबंध या विषयावर आधारीत स्लाईड शो सह व्याख्यानाचा प्रत्येक आई-बाबांनी अनुभवावा असा हा कार्यक्रम आहे. कार्यक्रमास येतांना मुलांना सोबत आणू नये.
(प्रतिनिधी)