लेकीचा जीव वाचविण्यासाठी आई-वडीलांचा संघर्ष

लेकीचा जीव वाचविण्यासाठी आई-वडीलांचा संघर्ष करत आहेत.

श्रीगोंदा : लेकीचा जीव वाचविण्यासाठी आई-वडीलांचा संघर्ष करत आहेत. हिरडगाव येथील रमेश पवार या शेतमजुराची मुलगी पायल कर्करोगाने पिडीत असून तिच्या वडीलांनी मुंबईत फुटपाथ राहून आपल्या लाडक्या लेकीचा जीव वाचविण्यासाठी झुंज सुरु आहे.
रमेश पवार यांना एक मुलगा आणि एक मुलगी. पायल ही हिरडगाव येथील जिल्हा परिषदेच्या प्राथमिक शाळेत शिक्षण घेत आहे. अतिशय हुशार मुलगी पण गेल्या काही दिवसापासून तिला कर्करोगाने ग्रासले आहे. भाकरीसाठी संघर्ष करणा-या पवार कुंटूबासमोर मोठे संकट ओढवले. पायलच्या आईने पैशांसाठी नातेवाईकांकडे भटकंती केल. कर्ज काढले सुमारे तीन लाख जमा केले आणि उपचार केले. काही चाचण्या पूर्ण केल्या. आणखी दोन चाचण्या करणे आवश्यक आहेत. जवळील पैसा संपला आहे. एका बाजूला पहिले कर्ज आणि दुस-या बाजूला उपचारासाठी पैसे नाहीत. म्हणून उपचार करणे थांबले आहे. त्यामुळे पायलची पुन्हा कर्करोगाशी झुंज सुरू झाली आहे.सामाजिक जाणिवेतून पवार कुंटूबाला मदतीचा हात दिला तर पायलचा जीव वाचू शकतो.