वीज पडून तीन गायी ठार; आश्वी परिसरातील घटना

संगमनेर तालुक्यातील ओझर बुद्रूक येथील गायीच्या गोठ्यावर मंगळवारी रात्री ९ वाजण्याच्या सुमारास वीज पडून तीन गाई ठार झाल्या.या गायींची किंमत अडीच लाख रुपये होती. 

 आश्वी : संगमनेर तालुक्यातील ओझर बुद्रूक येथील गायीच्या गोठ्यावर मंगळवारी रात्री ९ वाजण्याच्या सुमारास वीज पडून तीन गाई ठार झाल्या.या गायींची किंमत अडीच लाख  रुपये होती. 

 मंगळवारी (१६) संध्याकाळी तालुक्याच्या पूर्व भागातील आश्वी व परिसरातील गावांमध्ये  विजेच्या कडकडाटासह जोरदार वादळी पावसाने हजेरी लावली. रात्री उशिरापर्यत पाऊस सुरू होता.

 रात्री नऊच्या सुमारास विजेचा मोठा कडकडाट होऊन ओझर बुद्रूक शिवारात ओझर बंधा-याजवळ राहाणा-या उत्तम बाबुराव क्षीरसागर या दूध उत्पादक शेतक-यांच्या गायीच्या गोठ्यावर वीज पडली. गोठ्यामध्ये बांधलेल्या सुमारे अडीच लाख रुपये किंमतीच्या तीन गायी जागेवरच मृत पावल्या. घटनेचा पंचनामा केला आहे.