सोपानराव दरंदले यांना नेवासा येथे श्रद्धांजली

नेवासा : सोनई येथील ज्येष्ठ पत्रकार सोपानराव दरंदले यांना नेवासा प्रेस क्लबच्या वतीने श्रद्धांजली वाहण्यात आली. सोपानराव दरंदले ऊर्फ नानांच्या जाण्याने नेवासा तालुक्यातील पत्रकारांचा मार्गदर्शक हरपला असून पत्रकारांचे छत्र हरपले, अशी भावना व्यक्त करण्यात आली.

अध्यक्षस्थानी प्रेस क्लबचे अध्यक्ष रमेश शिंदे होते. यावेळी प्रेस क्लबचे संपर्क प्रमुख पत्रकार सुधीर चव्हाण यांनी प्रास्ताविक केले. स्वर्गीय दरंदले नानांच्या अकस्मात निधनाने तालुक्यातील पत्रकारांचा मार्गदर्शक हरपला असून, तो पोरका झाला असल्याची भावना रमेश शिंदे यांनी व्यक्त केली.

यावेळी प्रेस क्लबचे मार्गदर्शक गुरुप्रसाद देशपांडे, अशोक डहाळे, उपाध्यक्ष कैलास शिंदे, पवन गरुड, सुहास पठाडे, श्याम मापारी, मोहन गायकवाड, शंकरराव नाबदे,

नाना पवार, मकरंद देशपांडे, अभिषेक गाडेकर, संदीप वाखुरे आदी उपस्थित होते.