उदय शेळकेंनी घेतली हजारेंची भेट

टाकळी ढोकेश्वर : जिल्हा सहकारी बँकेचे अध्यक्ष उदय शेळके यांनी राळेगण (ता. पारनेर) येथे ज्येष्ठ समाजसेवक अण्णा हजारे यांची भेट घेतली.

हजारे- शेळके यांच्यामध्ये विविध विषयांवर एक तास चर्चा झाली. यावेळी प्राचार्य दिलीप देशमुख, वन समितीचे सचिव सुनील हजारे उपस्थित होते. उदय शेळके म्हणाले की, जिल्हा बँकेच्या ग्रामीण भागातील सर्व शाखांमध्ये डिजिटल सातबारा, उतारा आणि आठ ‘अ’ उपलब्ध करून देणार आहे. आपली जिल्हा बँक देशात दुसऱ्या क्रमांकावर आहे. मोठ्या प्रमाणावर ठेवी असल्यानेच जिल्हा बँक शेतकऱ्यांना अर्थसाहाय्य करू शकते. जिल्ह्यातील सर्व सेवा संस्थांचे लवकरच संगणकीकरण करणार असल्याचेही शेळके यांनी सांगितले.

--

१० राळेगण

राळेगण सिद्धी येथे ज्येष्ठ समाजेसेवक अण्णा हजारे यांच्यासमवेत चर्चा करताना उदय शेळके.