योगेश राजळे सेट परीक्षा उत्तीर्ण

दहिगावने : शेवगाव तालुक्यातील शहरटाकळी येथील योगेश राजळे हे इतिहास विषयात सेट परीक्षा उत्तीर्ण झाले. सावित्रीबाई फुले पुणे विद्यापीठाने २७ डिसेंबर २०२० रोजी घेतलेल्या सहायक प्राध्यापक पात्रता परीक्षेचा निकाल नुकताच जाहीर झाला. त्यात राजळे यांनी यश प्राप्त केले. राजळे हे तालुक्यातील मजलेशहर येथे प्राथमिक शिक्षक या पदावर कार्यरत असून, गेल्या वर्षी ते याच विषयात विद्यापीठ अनुदान आयोगाची नेट परीक्षाही उत्तीर्ण झाले आहेत. तसेच यापूर्वी त्यांची महाराष्ट्र लोकसेवा आयोगाकडून राज्य कर निरीक्षक पदासाठीही निवड झाली आहे. या यशाबद्दल जिल्हा परिषद अध्यक्षा राजश्री घुले, पंचायत समिती सभापती डॉ. क्षितिज घुले, पोलीस उपअधीक्षक स्वप्नील राठोड, सहायक राज्यकर आयुक्त दत्तात्रय भिसे, तहसीलदार अमोल पाठक, गटशिक्षणाधिकारी रामनाथ कराड, विस्तार अधिकारी शैलजा राऊळ, पोलीस उपनिरीक्षक ज्ञानदेव काळे, प्रदीप बोरुडे, सोपानराव बोरुडे, प्रा. किरण पवार यांनी त्यांचे कौतुक केले.

--

११ योगेश राजळे