घरफोडीतील आरोपी गजाआड

तेल्हारा तालुक्यातील भांबेरी येथे घरफोडी करणार्‍या अट्टल चोरट्यास अटक.

लोकमत न्यूज नेटवर्क
अकोला: तेल्हारा तालुक्यातील भांबेरी येथे घरफोडी करणार्‍या अट्टल चोरटा जळगाव जामोद येथील आसिफ खान रहीम खान याला स्थानिक गुन्हे शाखेच्या पोलिसांनी शनिवारी अटक केली. त्याला शनिवारी न्यायालयासमोर हजर केले असता न्यायालयाने त्यास १२ जूनपर्यंत पोलीस कोठडी सुनावली. तेल्हारा तालुक्यातील भांबेरी येथील रहिवासी प्रकाश श्यामराव भोपळे (४0) यांच्या घरात अज्ञात चोरट्यांनी २२ नोव्हेंबर २0१५ रोजी चोरी करून ९ हजार ७00 रुपयांचा मुद्देमाल लंपास केला होता.