अकोला जिल्ह्यातील पोलीस अधिकाऱ्यांची खांदेपालट

Akola Police News नव्याने पदभार सांभाळलेल्या अधिकाऱ्यांचे पोलीस अधीक्षक जी. श्रीधर यांनी शनिवारी खांदेपालट केले.

अकोला : पाेलीस निरीक्षक तसेच सहायक पोलीस निरीक्षक व पोलीस उपनिरीक्षक यांच्या बदल्यांची यादी राज्य शासनाने जाहीर केल्यानंतर नव्याने पदभार सांभाळलेल्या अधिकाऱ्यांचे पोलीस अधीक्षक जी. श्रीधर यांनी शनिवारी खांदेपालट केले. त्यानुसार नियंत्रण कक्षात कार्यरत असलेले प्रकाश पवार यांना बार्शीटाकळी पोलीस स्टेशनच्या ठाणेदार पदाचा पदभार देण्यात आलेला आहे. यासोबतच नियंत्रण कक्षात कार्यरत असलेले दत्तात्रय आव्हाड यांना रामदासपेठ पोलीस स्टेशनची जबाबदारी देण्यात आली आहे. बोरगाव मंजू पोलीस स्टेशनचे ठाणेदार हरीश गवळी यांच्याकडे पातूर पोलीस स्टेशनचा कारभार सोपविण्यात आला आहे. विशेष शाखेत कार्यरत असलेले सुनील सोळुंके यांना बोरगाव मंजू पोलीस स्टेशनमधये बदली देण्यात आली आहे. यासोबत मूर्तिजापूर शहर पोलीस स्टेशनच्या ठाणेदारपदी सचिन यादव यांची तर पिंजर पोलीस स्टेशनच्या ठाणेदारपदी महादेव पडघन यांची बदली करण्यात आली आहे. या सोबतच दहीहंडा पोलीस स्टेशनच्या ठाणेदारपदी महेश गावंडे तर उरळ पोलीस स्टेशनच्या ठाणेदारपदी आनंद वडतकर व सायबर सेलच्या प्रमुखपदी प्रशांत संदे यांची नियुक्ती करण्यात आली आहे. पोलीस अधीक्षक जी. श्रीधर यांनी बदल्यांचा आदेश शनिवारी दिला आहे.