कुडो स्पर्धेत अकोल्याला पाच पदक

सुरत येथे पार पडलेल्या आठव्या कुडो स्पर्धेत अकोला कुडो असोसिएशनच्या खेळाडूंनी पाच पदकांची कमाई.

अकोला, दि. ३- सुरत येथे पार पडलेल्या आठव्या अक्षयकुमार कुडो स्पर्धेत अकोला कुडो असोसिएशनच्या खेळाडूंनी पाच पदकांची कमाई केली. स्पर्धेचे आयोजन इंडिया कुडो असोसिएशन व सुरत कुडो असोसिएशनच्या वतीने केले होते. स्पर्धा असोसिएशनचे चेअरमन अभिनेता अक्षयकुमार यांच्या देखरेखीत पार पडली.
स्पर्धेत आकाश बालखंडे, मयूर इंगळे यांनी रौप्यपदक पटकाविले. वैष्णवी राजपूत, साक्षी गिर्‍हे व राहुल आठवले यांनी कांस्यपदक मिळविले. खेळाडूंना अँड. पप्पू मोरवाल, प्रशिक्षक मनोज अंबेरे यांचे मार्गदर्शन लाभले.