एमआयडीसीच्या तीनही अधिकाऱ्यांचा जामीन अर्ज फेटाळला

न्यायालयाने या तीनही आरोपींचा जामीन अर्ज फेटाळला असून आता त्यांच्या अटकेचा मार्ग मोकळा झाला आहे.

अकोला: औद्योगिक विकास महामंडळाच्या (एमआयडीसी) क्षेत्रीय अधिकारी दर्जाच्या पाच अधिकाऱ्यांनी संगनमत करून भूखंडाची बनावट कागदपत्रे तयार करीत खोट्या व बनावट नोंदी करून कोट्ट्यवधींच्या भूखंडाचे बेकायदेशीर वाटप क रुन घोटाळा करणाºया तीनही बडया अधिकाºयांच्या अटकपुर्व जामीन अर्जावर सोमवारी जिल्हा व सत्र न्यायालयात सुनावनी झाली. न्यायालयाने या तीनही आरोपींचा जामीन अर्ज फेटाळला असून आता त्यांच्या अटकेचा मार्ग मोकळा झाला आहे.
अकोला एमआयडीसीमधील भूखंड क्रमांक टीए ७८, टीए ४६, एन १५४, एन १६० या भूखंडाच्या वाटपामध्ये तसेच मुदतवाढ प्रकरणांमध्ये आर्थिक गैरव्यवहार प्रकरणी तत्कालीन प्रादेशिक अधिकारी कुंदा किशोर वासनिक रा. गणपती नगर लॉर्ड्स होस्टेलजवळ अमरावती, अमरावतीचे तत्कालीन क्षेत्र व्यवस्थापक दिलीप चेंडुजी पाटील रा. उमरेड जि. नागपूर, अमरावतीचे अतिरिक्त कार्यभार क्षेत्र व्यवस्थापक गजानन भास्कर ठोके रा. साई नगर मंदिराजवळ अमरावती, रत्नागिरीचे कार्यकारी अभियंता अविनाश रूपराव चंदन रा. दत्तकृपा सुधीर कॉलनी विवेकानंद आश्रम शाळेजवळ अकोला व अमरावती एमआयडीसीचे क्षेत्र व्यवस्थापक पुरुषोत्तम मारुतराव पेटकर रा. मालेवाडा रोड नागपूर या पाच बड्या अधिकाºयांविरुद्ध एमआयडीसी पोलिसांनी हा गुन्हा दाखल केला आहे. या सर्व अधिकाºयांनी संगनमत करून महामंडळाचे आर्थिक नुकसान केले. तसेच स्वत:च्या फायद्यासाठी नियमबाह्य कृत्य करून बनावट दस्तऐवज तयार केले व ते दस्तऐवज खरे असल्याचे सांगून फसवणूक केली. या भूखंडाची कागदपत्रे आगीत जळाल्याचाही बनाव केल्याचे धक्कादायक वास्तव चौकशी समितीच्या निदर्शनास आल्यानंतर या पाचही बड्या अधिकाºयांविरुद्ध भूखंड घोटाळ्याप्रकरणी गुन्हा दाखल करण्यात आला आहे. भूखंड क्रमांक टीए ७८ या भूखंडाची कागदपत्रे कार्यालयाला लागलेल्या आगीत जळाल्याचे सांगून एक हजार चौरस मीटरचा भूखंड वाटपपत्राद्वारे श्रीमती कृपा शहा मे श्री कृपा लाजिस्टिक यांना वाटप कल्याचे दाखविले. हा घोळ सहायक क्षेत्र व्यवस्थापक अविनाश चंदन याने केला. दरम्यान, या प्रकरणातील दोन आरोपींना अटक करण्यात आली तर उर्वरित तीन आरोपी अद्यापही फरार आहेत. या फरार आरोपींना अटकपुर्व जामीन मिळविण्यासाठी धावपळ सुरु केली मात्र न्यायालयाने तीनही आरोपींचा जामीन अर्ज फेटाळला. यामध्ये कुंदा किशोर वासनिक अमरावती,कार्यकारी अभियंता अविनाश रूपराव चंदन रा. सुधीर कॉलनी अकोला व अमरावती एमआयडीसीचे क्षेत्र व्यवस्थापक पुरुषोत्तम मारुतराव पेटकर रा. नागपूर या तिघांचा समावेश आहे.