अकोला जिल्ह्यात आणखी २४८ कोरोना पॉझिटिव्ह

coronavirus news आरटीपीसीआर चाचण्यांमध्ये २१२ तर रॅपिड ॲन्टिजेन चाचण्यांमध्ये ३६ अशा एकूण २४८ पॉझिटिव्ह रुग्णांची नोंद झाली.

अकोला : जिल्ह्यात कोरोनाचा कहर सुरूच असून सोमवार, १५ मार्च रोजी आरटीपीसीआर चाचण्यांमध्ये २१२ तर रॅपिड ॲन्टिजेन चाचण्यांमध्ये ३६ अशा एकूण २४८ पॉझिटिव्ह रुग्णांची नोंद झाली. त्यामुळे एकूण बाधितांची संख्या २१,८४७ वर पोहोचली आहे.

शासकीय वैद्यकीय महाविद्यालयाच्या व्हीआरडीएल लॅबकडून सोमवारी आरटीपीसीआर चाचण्यांचे ५८७ अहवाल प्राप्त झाले. यापैकी २१२ जणांचे अहवाल पॉझिटिव्ह असून, उर्वरित ३७५ अहवाल निगेटिव्ह आहेत. सकाळी पॉझिटिव्ह अहवाल आलेल्यांमध्ये तेल्हारा येथील १४, मोठी उमरी येथील ११, गोरक्षण रोड व मलकापूर येथील आठ, रणपिसे नगर व जीएमसी येथील प्रत्येकी सात, डाबकी रोड येथील सहा, सहकार नगर येथील पाच, न्यु राधाकिसन प्लॉट, कौलखेड, खेडकर नगर, रतनलाल प्लॉट व सिंधी कॅम्प येथील प्रत्येकी चार, शिवनगर, बाळापूर, गणेश नगर, हिंगणा रोड, रजपूतपुरा, अकोट, लहरिया नगर, सोमथाना व शिवणी येथील प्रत्येकी तीन, खडकी, आनंद नगर, पातूर, आळशी प्लॉट, तापडीया नगर, जूने शहर, इंद्रिरा नगर, आदर्श कॉलनी, गांधी रोड, गुडधी, अनिकट, शिवसेना वसाहत, खोलेश्वर, माणिक टॉकीज, अंबर न्यायधीस निवारा, राऊतवाडी, मुर्तिजापूर, कैलास टेकडी, संतोष नगर व अंनत नगर येथील प्रत्येकी दोन, भिम नगर, कोठारी वाटीका, शिवाजी नगर, संग्रामपूर, पत्रकार कॉलनी, कृषी नगर, शास्त्री नगर, बिर्ला कॉलनी, बार्शीटाकळी, न्यु भिम नगर, देशमुख फैल, स्वालंबी नगर, जीएमसी क्वॉटर, गांधी नगर, परिवार कॉलनी, मानिक टॉकीज, टेलीफोन कॉलनी, एमआयडीसी, मोमीनपुरा, तारफैल, शास्त्री नगर, वाशिंबा, म्हाडा कॉलनी, वाशिम बायपास, खरप रोड, तोष्णीवाल लेआऊट, आंबेडकर चौक, शंकर नगर, दुर्गा नगर, मोहाळी सांगवी, चोहट्टा बाजार, शंकर नगर, गांधी रोड, कृषी नगर, पारस, उमरी, जठारपेठ, गायत्री नगर, तिलक रोड, गंगाधर प्लॉट, केशव नगर, जूने आरटीओ, महात्मा फुले नगर, मुलानी चौक, तुकाराम चौक,माधव नगर, गाडगे नगर, सांगवी बाजार, ज्ञानेश्वर नगर, भारती प्लॉट, हरिहर पेठ, गणेश नगर, रामदासपेठ, दुर्गा चौक, भारती प्लॉट, मालीपुरा, गायगाव, संत कवर नगर व बाभूळगाव येथील प्रत्येकी एकाचा समावेश आहे.

५,४३२ ॲक्टिव्ह रुग्ण

जिल्ह्यात आतापर्यंत एकूण २१,८४७ जणांना कोरोनाची लागण झाली असून, त्यापैकी तब्बल १६,०१३ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ४०२ जणांचा मृत्यू झाला असून सद्यस्थितीत ५,४३२ ॲक्टिव्ह रुग्ण आहेत.