हातात तलवार घेऊन दहशत पसरविणाऱ्यास अटक

अकोला : रामदासपेठ पोलीस ठाण्याच्या हद्दीतील विजयनगर परिसरात हातात तलवार घेऊन दहशत पसरविणाऱ्या युवकास रामदासपेठ पोलिसांनी शनिवारी अटक केली. या युवकाविरुद्ध गुन्हा दाखल करण्यात आला आहे.

विजयनगर येथील रहिवासी राज चंदू सासर वय २१ वर्षे हा बजरंग चौक विजयनगर येथे हातात तलवार घेऊन नागरिकांना धमकावत असल्याची माहिती रामदासपेठ पोलिसांना मिळाली. या माहितीवरून पोलिसांनी तातडीने धाव घेऊन राज सारसर यास ताब्यात घेतले. त्याच्याविरुद्ध रामदासपेठ पोलीस ठाण्यात गुन्हा दाखल करण्यात आला आहे. ही कारवाई पोलीस निरीक्षक गजानन गुल्हाने यांच्या मार्गदर्शनाखाली प्रशांत इंगळे, हसन शेख, तोहिद अली, किशोर गवळी, संजय अकोटकर, गजानन खेडकर, शिवकुमार दुबे, अन्सार शेख, स्वप्निल चौधरी, विशाल चव्हाण, श्रीकांत पातोंड, अमोल शिरसाट यांनी केली.