ऑटोचालकाची आत्महत्या

घरातील गॅलरीच्या ग्रिलला गळफास घेऊन आत्महत्या

उरळ (अकोला), दि. १८-: पोलीस स्टेशन अंतर्गत येत असलेल्या निमकर्दा येथील २८ वर्षीय ऑटोचालकाने गळफास घेऊन आत्महत्या केल्याची घटना १८ मार्च रोजी सकाळी उघडकीस आली. निमकर्दा येथील किशोर सदाशीव बिरकर हे ऑटो चालवून आपल्या कुटुंबाचा उदर निर्वाह करतात. शनिवारी पहाटे त्यांनी आपल्या राहत्या घरातील गॅलरीच्या ग्रिलला गळफास घेऊन आत्महत्या केली. आत्महत्येचे कारण समजू शकले नाही. बिरकर यांच्या मागे आई-वडील, चार बहिणी व आप्त परिवार आहे. घटनेची माहिती मिळताच उरळ पोलिसांनी घटनास्थळावर धाव घेऊन पंचनामा केला. याप्रकरणी वैभव रसाळ यांनी दिलेल्या फिर्यादीवरून उरळ पोलिसांनी आकस्मिक मृत्यूची नोंद केली आहे. पुढील तपास ठाणेदार पवार यांच्या मार्गदर्शनात जमादार श्रीकृष्ण डांगे, रामकृष्ण ढोकणे व पोकॉं केतन पाली करीत आहेत.