बांधकाम मजुरांनी दिले धरणे !

अकोला : असंघटित नोंदणीकृत मजुरांच्या ऑनलाइन नोंदणी व नूतनीकरणाच्या प्रस्तावांना तातडीने स्वीकृती देण्यात यावी यांसह विविध मागण्यांसाठी अकोला बिल्डिंग पेंटर्स बांधकाम मजूर असोसिएशनच्या वतीने असंघटित मजुरांनी सोमवारी जिल्हाधिकारी कार्यालयासमोर धरणे दिले.

इमारत व इतर बांधकाम कल्याणकारी मंडळाच्या वतीने अद्ययावत संगणकीकृत प्रणालीचा अवलंब करण्यात येत असल्याने, असंघटित मजुरांनी नोंदणी व नूतनीकरणाचे ऑनलाइन प्रस्ताव सादर केले. परंतु गत दहा महिन्यांपासून या प्रस्तावांची पडताळणी व स्वीकृतीचे काम प्रलंबित आहे. त्यामुहे नोंदणीकृत मजुरांच्या ऑनलाइन नोंदणी व नूतनीकरणाच्या प्रस्तावांना तातडीने स्वीकृती देण्यात यावी, नोंदणीकृत मजुरांना वयाच्या ६० वर्षांनंतर प्रतिमहा पाच हजार रुपये निवृृत्तिवेतन देण्यात यावे, इएमआय आरोग्यदायी योजनेचा लाभ देण्यात यावा, घरकुलासाठी पाच लाख रुपयांचे अनुदान देण्यात यावे यासह इतर मागण्यांसाठी अकोला बिल्डिंग पेंटर्स बांधकाम मजूर असोसिएशनच्या वतीने जिल्हाधिकारी कार्यालयासमोर धरणे देण्यात आले. विविध मागण्यांचे निवेदन निवासी उपजिल्हाधिकारी संजय खडसे यांना सादर करण्यात आले. या आंदोलनात बिल्डिंग पेंटर्स बांधकाम मजूर असोसिएशनचे अध्यक्ष शैलेश सूर्यवंशी यांच्यासह पंचशील गजघाटे, मदन वासनिक, सुनील तायडे, सतीश वाघ, भास्कर सोनोने, गजानन राऊत, संतोष सोळंके, सिद्धार्थ पाटील, जावेदखाॅ सुबेदारखाॅ, अहमदअली मर्दानअली, शेख नदीम शेख बबन, बशीरखान, उमेश अवचार, रघुनाथ रायबोले, राजू दामोदर, प्रकाश इंगळे, शेख मिराज शेख रहमान, संदीप नरवणे, उद्धव ढिसाळे, गोपाल पुंडकर, कल्पना सूर्यवंशी, अनुराधा ढिसाळे, सुनीता गजघाटे, कल्पना मेंढे, रेखा गेडाम, शीला तरोणे, कल्पना महल्ले, लता येनकर, सुनंदा ताजने, ज्योती प्रधान, अनिल येलकर, प्रशांत तिरपुडे आदी सहभागी झाले होते.

.................फोटो.................