गोवंश मांस जप्त; विक्री करणारा अटकेत

आयटीआयमध्ये गाडगेबाबा जयंती

अकोला : येथील शासकीय आयटीआय (मुलींचे) येथे संत गाडगेबाबा जयंती साजरी करण्यात आली. यावेळी प्राचार्य राम मुळे, गटनिदेशिका रेखा रोडगे, प्रशांत भोकाडे, अरविंद पोहरकर, एम. आय. खान, भालचंद्र दिगंबर, मनोरमा भारसाकळे, सावरकर आदी उपस्थित होते. यावेळी मुळे यांनी समयोचित मार्गदर्शन केले.

भाजप कार्यालयात गाडगेबाबांना अभिवादन

अकोला : येथील भाजप कार्यालयामध्ये संत गाडगेबाबांना अभिवादन करण्यात आले. यावेळी जिल्हाध्यक्ष आमदार रणधीर सावरकर, महानगर अध्यक्ष विजय अग्रवाल, आमदार गोवर्धन शर्मा, तेजराव थोरात, दिलीप जोशी, महापाैर अर्चना मसने, किशोर पाटील आदींसह पदाधिकारी व कार्यकर्ते मोठ्या संख्येने उपस्थित होते.

‘आरडीजी’मध्ये वक्तृत्व स्पर्धा

अकोला : आरडीजी महाविद्यालयात राज्यस्तरीय ऑनलाईन वक्तृत्व स्पर्धा घेण्यात आली. यामध्ये पुण्याच्या फर्ग्युसन काॅलेजचा प्रतीक ठाकरे याने प्रथम, कृषी महाविद्यालयाचा भास्कर शिवले याने द्वितीय, धुळ्याचा प्रसाद जगताप याने तृतीय क्रमांक मिळवला.

शिक्षकांची उपस्थिती; संभ्रम दूर करा!

अकोला : लाॅकडाऊनमुळे शाळा बंद करण्यात आल्या आहेत. त्यामुळे शाळांमधील शिक्षकांच्या उपस्थितीबाबत शिक्षण विभागाने स्पष्ट भूमिका जाहीर करून संभ्रम दूर करावा, अशी मागणी विज्युक्टाच्यावतीने डाॅ. बोरडे यांनी केली आहे.

जमावबंदी आदेशाची पायमल्ली!

अकोला : कोरोनाचा प्रादुर्भाव वाढल्यामुळे जिल्हाधिकाऱ्यांनी जमावबंदीचा आदेश लागू केला आहे. मात्र, या आदेशाची सर्रास पायमल्ली होताना दिसत आहे. या आदेशाच्या अंमलबजावणीसाठी पोलीस यंत्रणाही सक्रिय नसल्याचे दिसत आहे.

बँक ऑफ महाराष्ट्रच्या कर्मचाऱ्यांची निदर्शने!

अकोला : बँक ऑफ महाराष्ट्रमध्ये कर्मचाऱ्यांचा तुटवडा जाणवत आहे. त्यामुळे बँकेची अनेक कामे प्रभावित होत आहेत. ही परिस्थिती बँक ऑफ महाराष्ट्रच्या देशभरातील शाखांमध्ये असल्याने मंगळवारी देशभरातील १,९०० शाखांसमोर बँकेच्या कर्मचाऱ्यांनी नोकर भरतीची मागणी करत निदर्शने केली. यावेळी कर्मचाऱ्यांनी बँकेच्या खासगीकरणाचाही निषेध केला. या धरणे आंदोलनाला फेडरेशनचे प्रवीण महाजन, श्याम माईनकर, अनिल मावळे, प्रदीप देशपांडे, अनिल बेलोकार, शुभांगी मानकर, शिल्पा ढोले, बाळासाहेब बोचे आदी उपस्थित होते.