दुचाकी झाडावर आदळली; एक ठार

आकोट तालुक्यातील घटना.

आकोट (जि. अकोला), दि. १२ : भरधाव दुचाकी लिंबाच्या झाडावर आदळून एकाचा मृत्यू झाल्याची घटना १२ सप्टेंबर रोजी दुपारच्या सुमारास कालवाडी मार्गावर घडली. या प्रकरणी मोटरसायकल चालकाविरुद्ध ग्रामीण पोलीस स्टेशनला गुन्हा दाखल करण्यात आला आहे.
पोलीस सूत्रानूसार, उमेश वासुदेव काकड (३५) रा. बांबर्डा व विनायक आनंदराव पवार (५३) रा. अंतरगाव हे दोघे एम एच ३0 ए एच १0९१ क्रमांकाच्या मोटारसायकलने आकोटवरून कालवाडी मार्गे बांबर्डा जात होते. त्यावेळी अमृत नाल्याजवळ भरधाव मोटरसायकल लिंबाच्या झाडावर आदळली. त्यामध्ये विनायक पवार गंभीर जखमी झाले. त्यांना ग्रामीण रुग्णालयात आणले असता त्यांची प्राणज्योत मालवली. या प्रकरणी धनराज शंकरराव घुगे (३५) रा. अवधुत कॉलनी आकोट यांच्या तक्रारीवरून आरोपी मोटारसायकल चालक उमेश काकड याच्या विरुद्ध भादंविच्या २७९, ३३७, ३0४ अ, १८४ एम.व्ही. अँक्ट अन्वये ग्रामीण पोलिसात गुन्हा दाखल करण्यात आला आहे.