भाजपतर्फे जोतीबा फुले यांना अभिवादन

पोळा चौकात अवैध नळजोडणी

अकोला:शहराच्या विविध भागांत अवैधरित्या नळजोडणी घेण्यात आली आहे. पाेळा चाैकात मनपाच्या मुख्य जलवाहिनीवर अवैधरित्या नळजाेडणी घेऊन त्या माध्यमातून दिवसभर पाण्याचा बेसुमार वापर केला जात आहे. हा प्रकार मनपा जलप्रदाय विभागाच्या निदर्शनास येत असतानाही कारवाई केली जात नसल्याने आश्चर्य व्यक्त केले जात आहे.

परमिट नसलेल्या ऑटाेमुळे वाहतुकीची कोंडी

अकोला: कोरोनाच्या अनुषंगाने शहरात जमावबंदी असली तरीही विविध मार्गावर ऑटाेचालकांच्या मनमानीला ऊत आला आहे. यामध्ये शहराचा परवाना नसलेल्या ऑटोची संख्या लक्षणीय असून त्यांच्यावर कारवाई होत नसल्याचे दिसून येत आहे. याकडे वाहतूक शाखेचे पोलीस लक्ष देतील का, असा सवाल उपस्थित केला जात आहे.

रस्त्यावर बांधकाम साहित्य

अकोला: जुने शहरातील प्रभाग क्रमांक १० अंतर्गत येणाऱ्या गोडबोले उद्यानाजवळ मार्गावर बांधकाम साहित्य रस्त्यावर पडून आहे. यामध्ये रेती, वीट, गिट्टीचा समावेश असून अनेक दुचाकी वाहनधारक, सायकलस्वार यांना मनस्ताप सहन करावा लागत आहे. सदर साहित्य मनपाने त्वरित जप्त करण्याची गरज आहे.

बॅरिकेडचा खटाटोप कशासाठी ?

अकोला: कोरोनाच्या पार्श्वभूमीवर शहरात जमावबंदी असून उन्हाच्या तीव्रतेमुळे दुपारी १२ वाजेनंतर रस्त्यांवर शुकशुकाट पसरतो. अशा स्थितीत पोलीस प्रशासनाने शहरातील गांधी चौक, खदान पोलीस ठाणे यासह प्रत्येक मुख्य चौकात बॅरिकेड उभारले आहे. या बॅरिकेडमुळे चारचाकी वाहनचालकांना अडथळा निर्माण हाेत आहे. ही बाब पाहता पाेलिसांनी अनावश्यक बॅरिकेड हटविण्याची मागणी हाेत आहे.

अकोटफाईल चाैकात खोदला खड्डा

अकोला: शहरातील अकोटफाईल चाैकात साफसफाईअभावी प्रचंड घाण व कचरा साचला आहे. या चौकात मुख्य जलवाहिनीच्या कामासाठी मोठा खड्डा खोदण्यात आला असून मातीचे ढीग व साचलेल्या पाण्यामुळे नागरिकांना त्रास सहन करावा लागत आहे. याकडे मनपाने लक्ष देण्याची मागणी हाेत आहे.

खड्डा ठरतोय जीवघेणा

अकोला: तहसील कार्यालय ते महाराणा प्रतापबाग मार्गावरील हाेमगार्ड कार्यालयाजवळ रस्त्यालगत जलवाहिनीच्या दुरुस्तीसाठी मनपा प्रशासनाने भला मोठा खड्डा खोदून ठेवला आहे. या मार्गावर वाहनांची सतत वर्दळ सुरू असते. हा खड्डा जीवघेणा ठरण्याची चिन्हे पाहता तातडीने बुजविण्याची मागणी होत आहे.

नागरिकांसाठी 'ओपन स्पेस' मोकळ्या करा!

अकाेला: शहरात ले-आऊटचे निर्माण करताना त्यामध्ये सार्वजनिक वापरासाठी ओपन स्पेस ठेवणे गरजेचे आहे. बहुतांश ओपन स्पेसमध्ये अतिक्रमण झाले आहे. त्यामुळे वयोवृध्द नागरिक, लहान मुलांसाठी अशा खुल्या जागा विकसित करण्याची मागणी हाेत आहे. याकडे सत्तापक्ष भाजपचे दुर्लक्ष होत आहे.

'दररोज पाणीपुरवठा करावा'

अकोला:‘अमृत’योजनेंतर्गत पाणीपुरवठा वितरण प्रणालीत जुन्या जलवाहिन्यांच्या बदल्यात नवीन जलवाहिन्या टाकल्या जात असून पाण्याचे काटेकोर नियोजन करण्यासाठी नळांना मीटर लावले जात आहे. परंतु, दैनंदिन पाणीपुरवठा हाेत नसल्याने अकाेलेकरांमधये नाराजी आहे. मनपाने दररोज पाणीपुरवठा करण्याची मागणी प्रभाग १ मधील नायगाव येथील रहिवाशांनी केली आहे.