दुचाकी-सायकल अपघातात दोघे गंभीर

जखमी

मूर्तिजापूर : दुचाकी व सायकल अपघातात दोनजण गंभीर जखमी झाल्याची घटना बुधवारी सकाळी साडेदहा वाजण्याच्या दरम्यान मूर्तिजापूर पिंजर रोडवर एमआयडीसी जवळ घडली.

मूर्तिजापूर येथील द्वारकानाथ कांबळे (वय ६६) हे सायकलने एमआयडीसी येथे कामावर जात असताना, समोरून येणाऱ्या कंझरा येथील पुंडलिक दशरथ बागडे (५५) हे (एमएच ३० एचएम २१७९) दुचाकीवर मूर्तिजापूरकडे येत असताना सायकल व दुचाकी दरम्यान धडक झाल्याने सायकलस्वार द्वारकानाथ कांबळे (६६) व पुंडलिक दशरथ बागडे (५५) हे दोघेही गंभीर जखमी झाले. त्यांना उपचारांसाठी येथील लक्ष्मीबाई देशमुख उपजिल्हा रुग्णालयात दाखल करण्यात आले. परंतु, दोघांनाही गंभीर दुखापत असल्याने, त्यांना पुढील उपचारांसाठी अकोला येथे पाठविण्यात आले आहे.