एसटीच्या पासवरील किलोमीटरची मर्यादा रद्द करा

गायत्री बालिका आश्रमात मकरसंक्रांत

अकाेला : डाबकी रोडस्थित जिव्हाळा बहुउद्देशिय संस्थेतर्फे रविवारी गायत्री बालिका आश्रमात मकरसंक्रांत साजरी करण्यात आली. या निमित्ताने येथील मुलींना कपडे व तीळगूळ देऊन सौंदर्यप्रसाधने भेट म्हणून देण्यात आली. याप्रसंगी संस्थेच्या अलकाताई देशमुख, ताराताई गोलाईत, संगीता मांगटे, यामिनी उपश्याम, रिना राऊत, लता पाटील, मीरा वानखडे, रुक्मिणी पुरी, अलका डिक्कर आदींची उपस्थिती होती.

रुग्णालयातच नाही फिजिकल डिस्टन्सिंगचे पालन

अकोला : कोरोनाचा धोका अजूनही टळलेला नाही, अशा परिस्थितीत मास्कचा वापर करून इतरांपासून सुरक्षित अंतर राखणे महत्त्वाचे आहे; परंतु सर्वोपचार रुग्णालयात रुग्णांसह त्यांच्या नातेवाइकांकडून या नियमांचे पालन होताना दिसत नाही. विशेषत: एक्स-रे, सोनोग्राफीसाठी मोठ्या प्रमाणात गर्दी होते. या ठिकाणी कोरोनाच्या रुग्णांनाही एक्स-रे साठी पाठविण्यात येते. त्यामुळे येथे येणाऱ्या रुग्णांना संसर्गाचा धोका आहे. याकडे रुग्णालय प्रशासनाने लक्ष देण्याची गरज आहे.