कार झाडावर धडकली, एकजण जखमी

शिर्ला: ट्रकला ओव्हरटेक करण्याच्या प्रयत्नात भरधाव कार समोरून येणाऱ्या दुचाकीवर धडक देऊन रस्त्यालगतच्या झाडावर जाऊन धडकली. या अपघातात एक जण जखमी झाला. ही घटना अकोला-पातूर रोडवरील तालुका कृषि कार्यालयाजवळ बुधवारी सकाळी घडली.
अकोला-पातूर रोडवरील अकोल्याकडून येणारी एमएच ३ एफएम-३0४२ क्रमांकाची भरधाव कार एका ट्रकला ओव्हरटेक करण्याच्या प्रयत्न केला. दरम्यान समोरून येणाऱ्या एमएच ३0 ए-६३८२ क्रमांकाच्या भरधाव दुचाकीला धडक दिल्यानंतर ही कार रस्त्यालगतच्या झाडावर जाऊन धडकली. या अपघातात शिर्ला येथील गजानन ठाकरे हे जखमी झाले. कार झाडावर धडकल्यामुळे कारचे मोठे नुकसान झाले. सुदैवाने कारमधील बसलेल्या प्रवाशांना कोणतीही इजा पोहोचली नाही. या प्रकरणात पातूर पोलीस ठाण्यात गुन्हा दाखल करण्यात आला नव्हता.