कारची दुचाकीला धडक, पती-पत्नी ठार

सौंदळा : टुनकी-जळगाव रोडवर चारचाकी व दुचाकी वाहनांमध्ये समोरासमोर अपघात घडला आहे. या अपघातात दोन जण ठार तर एक जण जखमी झाला आहे. ही घटना सकाळी साडेदहा वाजताच्या दरम्यान लाडणापूर फाट्याजवळ घडली.

टुनकीकडून एमएच १५ ई जी १९६१ क्रमांकाचे चारचाकी वाहन जळगावकडे जात होते. तर एमएच ३० पी ५६४९ क्रमांकाची दुचाकी जळगावकडून टुनकीकडे येत असताना दोघांमध्ये समोरासमोर अपघात झाला. या अपघातात दुचाकीवरील पती-पत्नी ठार झाले आहे, तर चारचाकी वाहन चालक जखमी झाला आहे. मृतांमध्ये तेल्हारा तालुक्यातील सौंदळा येथील गोविंदा किसन तायडे (६०) व पत्नी प्रमिला किसन तायडे (५५) या दोघांचा समावेश आहे. घटनेची माहिती प्राप्त होताच सोनाळा पोलिसांनी घटनास्थळावर धाव घेत अत्यवस्थ अवस्थेत पडलेल्या दोघांना रुग्णवाहिकेने ग्रामीण रुग्णालय वरवट बकाल येथे हलविले. मात्र डॉक्टरांनी दोघांना मृत घोषित केले होते. डॉक्टरांकडून प्राप्त माहितीनुसार, मृत गोविंदा तायडे यांच्या छाती व हाताला जबर मार लागला तर पत्नी प्रमिला तायडे यांच्या डोक्याला जबर मार लागल्याने त्यांचा मृत्यू झाला. तर चारचाकीच्या जखमी वाहनचालकाला पोलिसांनी सोनाळा येथील प्राथमिक आरोग्य केंद्रात दाखल केले. प्राथमिक उपचार करून त्याला पुढील उपचारासाठी शेगाव येथे हलविण्यात आल्याची माहिती आहे.

फोटो: