सराफ व्यापारी दुकानांसमोर क्लोज सर्किट कॅमेरे लावणार!

मूर्तिजापूरच्या सराफा व्यापाऱ्यांचे पोलिसांना आश्वासन

लोकमत न्यूज नेटवर्क
मूर्तिजापूर : पोलीस अधीक्षक अकोला यांनी दिलेल्या आदेशाप्रमाणे पोलीस स्टेशन स्मार्ट बनविण्याच्या उद्देशाने सराफा असोसिएशन लोकांची बैठक ८ जुलै रोजी संध्याकाळी ६ वाजता मूर्तिजापूर पोलीस स्टेशनात पोलीस निरीक्षक जी. एल. पडघन यांनी घेतली.
सदर मीटिंगमध्ये मूर्तिजापूर शहर पोलीस स्टेशन स्मार्ट पोलीस स्टेशन बनविण्याबाबत पोलीस अधीक्षकांच्या संकल्पनेनुसार शहरामधील महत्त्वाचे रस्ते, राज्य मार्ग व परिसर सीसी कॅमेऱ्यांच्या देखरेखीखाली आणण्यासाठी अशा ठिकाणी संबंधित सराफा व्यापाऱ्यांनी सीसी कॅमेरे बसविण्याचे आवाहन करण्यात आले. या बैठकीस सराफा असोसिएशन व्यापारी बांधवांनी मोठ्या संख्येने उपस्थित राहून स्वत: पुढाकार घेऊन सीसी कॅमेरे लावण्याचे आश्वासन दिले.