गीतांजली एक्स्प्रेसचा एक डबा रुळावरून घसरला; कोणतीही जीवीतहानी नाही

Gitanjali Express derailed हावड- मुंबई गितांजली एक्स्प्रेसचा एक डबा रुळावरून घसरल्याची घटना मंगळवारी सकाळी ११.१५ वाजताचे सुमारास घडली.

ठळक मुद्देशेवटचा डबा (एसएलआर) अचानक रुळावरून घसरला.दोन्ही बाजूची रेल्वे वाहतुक थांबविण्यात आली आहे.

अकोला : बोरगाव मंजू ते काटेपूर्णा दरम्यान हावडा-मुंबई गितांजली एक्स्प्रेसचा एक डबा रुळावरून घसरल्याची घटना मंगळवारी सकाळी ११.१५ वाजताचे सुमारास घडली. सुदैवाने या घटनेत कोणतीही जीवीतहानी झाल्याचे वृत्त नाही. दरम्यान या अपघातामुळे अप व डाऊन लाईनवरची रेल्वे वाहतुक विस्कळित झाली आहे.

हावडाहून मुंबईकडे जाणारी ०२२६० क्रमांकाची विशेष गाडी आपल्या नियमित वेळेवर धावत असताना सकाळी ११.१५ वाजताचे दरम्यान काटेपूर्णा ते बोरगाव मंजू रेल्वे स्थानकादरम्यान आली असता, या गाडीचा शेवटचा डबा (एसएलआर) अचानक रुळावरून घसरला. डबा घसरताच रेल्वे थांबली. मोठा आवाज झाल्याने गाडीतील प्रवाशांमध्ये एकच खळबळ उडाली होती. रुळावरून घसरलेला डबा डाऊन लाइनपर्यंत गेल्याने दोन्ही बाजूची रेल्वे वाहतुक थांबविण्यात आली आहे. रेल्वेच्या अधिकारी व रेल्वे पोलीसांनी घटनास्थळी धाव घेतली आहे. घसरलेला डबा रुळावरुन बाजूला करण्याचे कार्य सुरु करण्यात आले आहे.