Corona Cases in Akola : आणखी दोन पॉझिटिव्ह, आठ कोरोनामुक्त

Corona Cases in Akola: आठ रुग्णांनी कोरोनावर मात केल्याने त्यांना डिस्चार्ज देण्यात आला.

अकोला : कोरोना संसर्गाचा विळखा आता सैल झाला असून, जिल्ह्यात रविवार, १ ऑगस्ट रोजी आरटीपीसीआर व रॅपिड ॲन्टिजेन चाचण्यांमध्ये प्रत्येकी एक असे एकूण दोन नवे पॉझिटिव्ह रुग्ण आढळून आले. दरम्यान, आणखी आठ रुग्णांनी कोरोनावर मात केल्याने त्यांना डिस्चार्ज देण्यात आला.

शासकीय वैद्यकीय महाविद्यालयाच्या व्हीआरडीएल प्रयोगशाळेकडून रविवारी २४० संसर्ग चाचणी अहवाल प्राप्त झाले. यामध्ये अकोला शहरातील एकाचा अहवाल पॉझिटिव्ह असून, उर्वरित २३९ जणांचे अहवाल निगेटिव्ह आहेत. शनिवारी दिवसभरात झालेल्या ४६२ रॅपिड ॲन्टिजेन चाचण्यांमध्ये शासकीय वैद्यकीय महाविद्यालयातील एकाचा अहवाल पॉझिटिव्ह आला आहे. दरम्यान, रविवारी होम आयसोलेशनमधील आठ रुग्णांना डिस्चार्ज देण्यात आला आहे.

४७ ॲक्टिव्ह रुग्ण

जिल्ह्यात आतापर्यंत ५७,७६६ जणांना कोरोनाची लागण झाली असून, त्यापैकी ५६,५८५ जणांनी कोरेानावर मात केली आहे. आतापर्यंत १,१३४ जणांचा कोरोनामुळे मृत्यू झाला असून, सद्यस्थितीत ४७ ॲक्टिव्ह पॉझिटिव्ह रुग्णांवर उपचार सुरु आहेत.