कोरोना योद्धा, सावित्रीच्या लेकींचा सत्कार

पातूर : येथील महात्मा फुले कला व विज्ञान महाविद्यालयात रविवारी क्रांतिज्योती सावित्रीबाई फुले यांचा जयंती उत्सव साजरा करण्यात आला.

कार्यक्रमात पातूर तालुक्यात कोरोना योद्धा म्हणून कार्य करणाऱ्या सावित्रीच्या लेकी, प्राथमिक आरोग्य केंद्राच्या कर्मचारी जयश्री माउलीकर व रेखा सपकाळ, पातूर पोलीस स्टेशनच्या महिला पोलीस कर्मचारी सीताबाई कोल्हे यांचा सन्मानचिन्ह देऊन गाैरव करण्यात आला. महात्मा फुले शिक्षण प्रसारक मंडळाचे अध्यक्ष, माजी नगरसेवक शंकरराव बोचरे यांच्या हस्ते सन्मानित करण्यात आले. उपस्थित मान्यवरांचा सत्कार करण्यात आला. अध्यक्षस्थानी संस्थाध्यक्ष शंकरराव बोचरे होते. यावेळी प्राचार्य डॉ. किशोर वाट, पत्रकार देवानंद गहिले, पातूर पोलीस स्टेशनचे कर्मचारी समाधान शृंगारे, धर्मेन्द्रसिंग ठाकूर, मोहन धारस्कर यांची उपस्थिती होती. कार्यक्रमात प्रा. डॉ. गजानन रोडे, प्रा. रोशनी लोमटे, प्रा. स्नेहा इंगळे, आरोग्यसेविका जयश्री माउली मनोगत व्यक्त केले. प्रास्ताविक डॉ. गजानन रोडे यांनी केले. कार्यक्रमाचे सूत्रसंचालन प्रा. गोविंदराव भालेराव व प्रा. प्रणोती खवणे यांनी केले, आभार प्रा. पंढरी अंभोरे यांनी मानले.