CoronaVirus : आणखी एकाचा मृत्यू; ३५ नवे पॉझिटिव्ह; मृतांचा आकडा १४५ वर

बोरगाव मंजु येथील एकाचा मृत्यू झाल्याने कोरोनाबाधितांच्या मृत्यूचा आकडा १४५ वर पोहचला आहे.

अकोला : जिल्ह्यात कोरोनाचा कहर सुरुच असून, या जीवघेण्या आजाराला बळी पडणाऱ्यांची व संसर्ग होणाऱ्यांची संख्या दिवसेंंदिवस वाढतच आहे. बुधवार, २६ आॅगस्ट रोजी बोरगाव मंजु येथील एकाचा मृत्यू झाल्याने कोरोनाबाधितांच्या मृत्यूचा आकडा १४५ वर पोहचला आहे. आणखी ३५ पॉझिटिव्ह रुग्ण आढळून आल्याने जिल्ह्यातील एकूण रुग्णसंख्या ३,६२३ झाली आहे.
शासकीय वैद्यकीय महाविद्यालयाच्या ‘व्हीआरडीएल’ प्रयोगशाळेकडून बुधवारी सकाळी आरटीपीसीआर’ चाचणीचे १४४ अहवाल प्राप्त झाले. यापैकी ३५ जणांचे अहवाल कोरोना पॉझिटिव्ह असून, १०९ जणांचा अहवाल निगेटिव्ह आला आहे. पॉझिटिव्ह अहवाल आलेल्या ३५ जणांमध्ये १४ महिला व २१ पुरुषांचा समावेश आहे. यामध्ये एकट्या मुर्तीजापूर शहरातील ३१ जणांचा समावेश असून, उर्वरित चौघांमध्ये पातूर तालुक्यातील चरणगाव येथील दोन, तर कृषी नगर व तेल्हारा येथील प्रत्येकी एकाचा समावेश आहे.

बोरगाव मंजू येथील ८७ वर्षीय पुरुषाचा मृत्यू
कोरोनामुळे मृत्यूमुखी पडणाºयांची वाढती संख्या चिंताजनक आहे. बोरगाव मंजू येथील ८७ वर्षीय पुरुषाचा बुधवारी उपचारादरम्यान मृत्यू झाला. त्यांना २३ आॅगस्ट रोजी दाखल करण्यात आले होते. उपचार सुरु असताना त्यांचा मृत्यू झाल्याचे जिल्हा प्रशासनाकडून सांगण्यात आले.

४२४ अ‍ॅक्टिव्ह पॉझिटिव्ह
जिल्ह्यात आतापर्यंत एकूण ३,६२३ जणांना कोरोनाची लागण झाली असून, यापैकी तब्बल ३०५४ जणांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत १४५ जणांचा मृत्यू झाला असून, सद्यस्थितीत ४२४ अ‍ॅक्टिव्ह पॉझिटिव्ह रुग्णांवर रुग्णालयांत उपचार सुरु असल्याचे जिल्हा प्रशासनाने स्पष्ट केले आहे.