कमी टक्क्यात कर्जाचा मेसेज आला म्हणून ॲप डाऊनलाेड करू नका

अकाेला : गृहकर्जासह, व्यावसायिक कर्ज आणि आपण ऑनलाइन सर्च केलेल्या विविध वेबसाइवर आपले प्राेफाइल जाताच संबंधित कंपन्यांकडून तसेच ऑनलाइन चाेरट्यांकडून तशा प्रकारचे ॲप डाऊनलाेड करण्यासाठी विविध लिंक तसेच ॲपची माहिती आपाेआपच तुमच्या माेबाइलवर देण्यात येते. अत्यंत कमी व्याजदर आणि नाे प्राेसेसिंग चार्जेस अशा प्रकारचे आमिष दाखवून तुमची संपूर्ण माहिती गाेळा करून तुमच्याच बँक खात्यातील रक्कम साफ करण्याच्या घटना घडलेल्या आहेत. त्यामुळे अशा प्रकारचे ॲप डाऊनलाेड करताना सावधानी बाळगणे गरजेचे असल्याची माहिती सायबर तज्ज्ञांनी दिली आहे. काेराेनाचे संकट प्रचंड वाढल्यानंतर प्रत्येकाचा ऑनलाइनकडे कल वाढला आहे. अनेक जण बँकिंग व्यवहारही आता ऑनलाइन पद्धतीने करीत आहेत. ऑनलाइन व्यवहार सुरक्षित असले तरी आता हॅकर्सनी नवीन फंडा शाेधत तुम्हीच सर्च केलेल्या विविध वेबसाइटच्या माध्यमातून कमी टक्क्याचे व्याजदर आकारण्यात येत असलेले कर्ज देण्याचे तसेच विविध आमिष देऊन तुमच्या बँक खात्यातील रक्कम पळविण्याचे प्रकार वाढले आहेत. अकाेल्यातील आदर्श काॅलनी येथील एका युवतीला व्यावसायिक कर्जाच्या नावाखाली ७० हजार रुपयांनी अशाच प्रकारे गंडविण्यात आले असून या प्रकरणात खदान पाेलीस ठाण्यात गुन्हाही दाखल करण्यात आला आहे. त्यामुळे अशा प्रकारचे ॲप डाऊनलाेड करताना याेग्य ती खबरदारी घेण्यात यावी, असे आवाहन सायबर पाेलिसांनी केेले आहे़

ॲप डाऊनलाेड करताच बँक खाते साफ

कमी मेगाबाइट्स असलेले विविध ॲप हे बनावट असतात. तुम्ही एखादे ओरिजीनल ॲप डाऊनलाेड करीत असताना तशाच प्रकारचे बनावट ॲप तुमच्या वाॅलवर येईल. तुम्ही हे बनावट ॲप डाऊनलाेड करताच तुमची संपूर्ण माहिती समाेरील व्यक्तीला जाईल आणि ताे तुमच्या बँक खात्यातील रक्कम साफ करेल. त्यामुळे संबंधित बँक तसेच फायनान्स कंपनीचे अधिकृत ॲपच डाऊनलाेड करावे अन्यथा तुमची फसवणूक निश्चित हाेईल़

यांच्याप्रमाणे तुम्हीही फसू शकता

रामदास पेठ पाेलीस ठाण्याच्या हद्दीतील रहिवासी एका युवकाने विमान तिकीट रद्द केल्यानंतर पैसे परत मिळविण्यासाठी गुगलवर सर्च केले. त्यानंतर त्यांना एक ॲप डाऊनलाेड करण्यास सांगितले. ग्राहकाने ॲप डाऊनलाेड केल्यानंतर त्यांना पैसे परत मिळविण्यासाठी एक प्रक्रिया करण्याचे सांगण्यात आले. ग्राहकाने प्रक्रिया करताच तिकीट रद्द केल्याचे पैसे तर मिळाले नाहीत उलट त्यांच्या खात्यातील ३२ हजार रुपयांची रक्कम चाेरट्यांनी पळविली़

सिव्हिल लाइन्स परिसरातील एका युवकाने व्यावसायिक कर्जासाठी ऑनलाइन माहिती मिळविली. त्यानंतर युवकाला टेक्स्ट मेसेज आले व विविध ॲपच्या लिंकही पाठविण्यात आल्या. या युवकाने ॲप डाऊनलाेड केल्यानंतर त्यांनी सर्व प्रक्रियेत अलाऊ हे ऑप्शन निवडताच त्यांच्या खात्यातील रक्कम ऑनलाइन चाेरट्यांनी पळविली. त्यामुळे काेणताही ऑनलाइन व्यवहार करताना सावधानता बाळगा़

या आमिषांपासून सावधान

अत्यंत कमी दरात कर्ज उपलब्ध करून देण्यात आले असून एका तासात कर्जाची रक्कम तुमच्या खात्यात जमा करण्याचे आमिष देण्यात येते़

आजच अर्ज आजच कर्ज अशा प्रकारच्या फायनान्स कंपन्यांच्या याेजना असल्याचे सांगून फसविण्याचा नवीन फंडा सध्या सुरू आहे.

तुम्ही लाॅटरीचे तिकीट खरेदी केल्यानंतरही तुम्हाला लाॅटरी लागत नाही़ मात्र तुमच्या माेबाइलवर लाॅटरी लागल्याचे तसेच तुमचा माेबाइल क्रमांक सिलेक्ट झाला असून तुम्हाला बक्षीस मिळणार असल्याचे आमिष देण्यात येते आणि या आमिषाला बळी पडत अनेक जण त्यांची संपूर्ण माहिती शेअर करतात. याच ठिकाणी त्यांची फसवणूक हाेते. त्यामुळे तुम्ही काेणतीही माहिती फाेनवर कुणालाही देऊ नका़

सचिन कदम

विलास पाटील

दहशतवादविराेधी कक्ष

ही घ्या काळजी

काेणतेही अनाेळखी आणि आमिष देणारे ॲप डाऊनलाेड करू नका

प्राेसेसिंग फी, विदेशातून आलेले गिफ्ट स्वीकारण्यासाठी काॅल आला तर टाळा

साेशल मीडियावर अनाेळखी व्यक्तींशी बाेलणे टाळा, म्हणजे फसवणूक हाेणार नाही